मुंबई- लग्न हे दोन कुटुंबाचं मिलन असतं. आपल्या सासरची मंडळी कशी आहेत याची प्रत्येक वधूला धाकधूक असते. त्यात आपले सासू-सासरे, दीर, नणंद, जाऊ या सगळ्यांशीच चांगले संबंध जपण्याची जबाबदारी त्या मुलीवर असते. सामान्य घरातील मुली असुदे किंवा बॉलिवूडच्या अभिनेत्री, हा नियम काही कोणाला चुकलेला नाही. लोकप्रिय बॉलिवूड अभिनेत्री करिना कपूरने देखील आपल्या सासरच्या मंडळींचं मन जिंकण्यासाठी लग्नाआधी पासूनच प्रयत्न सुरू केले होते. करिनाने तिची मोठी नणंद सबा अली खानला एक छोटंसं पत्र पाठवून त्यात खास संदेश लिहिला होता. करिनाने २०१२ साली पतौडी खानदानाचा नवाब असलेल्या सैफ अली खानसोबत लग्नगाठ बांधली. परंतु, लग्न होण्यापूर्वी सासरच्या मंडळींसोबत ओळख वाढवण्याचा एक छोटासा प्रयत्न करिनाने केला होता. करिनाने एका ग्रीटिंगवर छोटासा मेसेज लिहून आपल्या मोठ्या नणंदेला पाठवला होता. सबाने इन्स्टाग्रामवर फोटो पोस्ट करत त्या ग्रीटिंगची माहिती दिली आहे. सबाने शेअर केलेल्या फोटोत लिहिलं आहे, 'प्रिय सबा, मला तुम्हाला जाणून घ्यायला खूप आवडेल... तुमच्यासाठी खूप सारं प्रेम आणि शुभेच्छा... करिना.' करिनाचा हा संदेश इतक्या वर्षांनी सबाने सोशल मीडियावर शेअर केला आहे. सबाने शेअर केलेला फोटो पाहून चाहत्यांनीही करिनाचं कौतुक केलं आहे. करिना सासरच्या व्यक्तींसोबत राहण्यासाठी आणि त्यांना जाणून घेण्यासाठी किती उत्सुक होती याचा अंदाज तिच्या या ग्रीटिंगमधून येतो. चाहत्यांना करिनाचं तिच्या सासरच्या व्यक्तींप्रती असलेला जिव्हाळा आवडला आहे. सबा नेहमीच असे निरनिराळे फोटो आणि व्हिडीओ चाहत्यांसोबत शेअर करत असते. तर दुसरीकडे करिनाने नुकताच तिच्या दुसऱ्या मुलाला जन्म दिला आहे. दुसऱ्या मुलाच्या जन्मानंतर काही महिन्यांतच करिना कामावर परतली आहे. ती लवकरच अमीर खानसोबत 'लाल सिंह चड्ढा' मध्ये झळकणार आहे.
from Marathi Bollywood News, Marathi Cinema News https://ift.tt/2RCiFH3
