मुंबई- बॉलिवूडचा 'बादशहा' असणाऱ्या शाहरुख खानची लोकप्रियता सातासमुद्रापार आहे. परंतु, बाप हा शेवटी बापच असतो. शाहरुखच्या बाबतीत हा प्रत्यय वारंवार येत असतो. अनेकांना वाटतं की स्टार किड्सना सामान्य मुलांपेक्षा जास्त मोकळीक मिळत असेल. परंतु, प्रत्यक्षात मात्र उलट आहे. शाहरुख त्याच्या लाडक्या लेकीच्या बाबतीत जरा जास्तच प्रोटेक्टिव्ह आहे. शाहरुखची मुलगी हीचा आज २१ वा वाढदिवस आहे. सुहाना शाहरुखची लाडकी आहे. शाहरुखने तर आपल्या लेकीला डेट करणाऱ्या मुलासाठी सात नियमदेखील तयार करून ठेवले आहेत. एका मुलाखतीदरम्यान शाहरुखने हा खुलासा केला होता. सुहानाच्या बॉलिवूड पदार्पणची चाहते आतुरतेने वाट पाहत आहेत. सुहानाने अजून चित्रपटात काम केलं नसलं तरीही इतर स्टार किड्सप्रमाणे सुहानाच्या चाहत्यांची संख्याही लाखोंमध्ये आहे. सुहाना आईपेक्षा शाहरुखच्या जवळ आहे. ती प्रत्येक गोष्ट आपल्या वडिलांसोबत शेअर करत असते. २०१७ साली दिलेल्या एका मुलाखतीत शाहरुखने त्याच्या मुलीला डेट करणाऱ्या मुलासाठी तयार केलेले सात नियम सांगितले होते. शाहरुख म्हणाला, 'जर माझ्या मुलीला डेट करायचं असेल तर त्याला हे सात नियम पाळावेच लागतील. पहिला- त्याला चांगली नोकरी हवी. दुसरा- हे समजून जायचं की मला तो आवडत नाही. तिसरा- मी कायम त्यांच्यावर लक्ष ठेवून असेन. चौथा- वकील नेहमी तुमच्या सोबत असेल. पाचवा- लक्षात ठेवायचं ती माझी राजकुमारी आहे. तुम्ही तिला जिंकलं नाहीये. सहावा- जर तिला त्रास दिला तर मला जेलमध्ये जाण्याची मुळीच भीती नाहीये. सातवा- जसं तुम्ही तिच्याशी वागाल तसं मी तुमच्याशी वागेन.' हे नियम ऐकून तिथे उपस्थित सगळेच हसू लागले होते. परंतु, यावर स्पष्टीकरण देत शाहरुखने म्हटलं, 'मी मस्करी करत होतो. माझी मुलगी जेव्हा एखाद्या मुलाला माझ्या समोर घेऊन येईल तेव्हा मला त्याला मान्य करावंच लागेल. मी काहीच करू शकणार नाही.' सुहाना सध्या न्यूयॉर्क मध्ये असून ती शिक्षण पूर्ण करत आहे. सुहानाने बॉलिवूडमध्ये पदार्पण केलं नसलं तरीही ती अनेकदा मॅगझिनसाठी फोटोशूट करत असते.
from Marathi Bollywood News, Marathi Cinema News https://ift.tt/345O9YD
