मुंबई : अभिनेत्री आणि वाद हे समीकरण आता फार नवीन राहिलेले नाही. रोजच्या रोज कोणता ना कोणता वाद ती निर्माण करत असते. अलिकडेच तिने बंगालमधील निवडणुकांच्या संदर्भात वादग्रस्त वक्तव्य केल्यामुळे ट्विटरने तिचे अकाउंट सस्पेंड केले आहे. त्यानंतरही अभिनेत्री इन्स्टाग्रामवर सक्रीय आहे. परंतु इन्टाग्रामनेदेखील कंगनाची संदर्भातील एक पोस्ट डिलीट केली आहे. त्यामुळे कंगना चांगलीच संतापली आहे. काय पोस्ट होती कंगनाची ट्विटरने अकाउंट बंद केल्यानंतर कंगना इन्स्टाग्रामवर पोस्ट करत होती. तिने ८ मे रोजी करोनाची लागण झाल्याची पोस्ट इन्स्टाग्रामवर केली होती. त्यामध्ये तिने म्हटले होते की, 'काही दिवसांपासून थकवा आणि अशक्तपणा आला आहे, तसेच डोळ्यांचीही जळजळ होत आहे. हिमाचलमधील माझ्या घरी जायचे असल्याने मी करोनाची टेस्ट केली असता ती पॉझिटिव्ह आली. आता मी घरातच क्वारन्टाइन झाले आहे. मी लवकरच या करोनाचा खात्मा करणार आहे. हा फार मोठा नाही तर अगदीच साधा असा फ्ल्यू आहे. त्याचा बागुलबुला करत अवाजावी महत्त्व दिले गेले आहे. लोक उगाचच त्याला घाबरत आहेत. हर हर महादेव...' परंतु कंगनाची ही पोस्ट इन्स्टाग्रामने डिलीट केली. म्हणून केली कारवाई कंगनाने तिला करोनाची लागण झाली ही पोस्ट केली. त्यात तिने करोनाचा उल्लेख अगदीच साधा फ्ल्यू असा केला होता. त्यामुळेच तिची ही पोस्ट इन्स्टाग्रामने डिलीट केली आहे. इन्स्टाग्रामने केलेल्या या कारवाईमुळे कंगना भलतीच संतापली आहे. मी फार काळ इथे राहणार नाही इन्स्टाग्रामने तिची पोस्ट डिलीट केल्यामुळे कंगना खूपच संतापली आहे. तिने इन्टाग्रामने केलेल्या कारवाईचा निषेध केला आहे. तसेच तिच्या इन्टाग्रामव स्टोरीतून तिचे मत मांडले आहे. ती म्हणते, 'इन्स्टाग्रामने माझी पोस्ट डिलिट केली, ज्यात मी करोनाला संपवण्याबद्दल बोलले होते. मी ट्विटरवर दहशतवादी आणि कम्युनिस्टांसाठी असलेली सहानुभूती ऐकली होती. मात्र आता करोना फॅन क्लबसुद्धा आहे.. मस्तच.. मला इन्स्टाग्रामवर येऊन दोन दिवस झाले आहेत पण आता इथे पण मी आठवड्यापेक्षा जास्त काळ टिकेन असे वाटत नाही.' कंगनाने पोस्टमध्ये जी भाषा वापरली होती त्यामुळे नियमांचे उल्लंघन झाल्याने इन्स्टाग्रामने ही कारवाई केली आहे.
from Marathi Bollywood News, Marathi Cinema News https://ift.tt/3eycAE2
