मुंबई: एकेकाळी अभिनेत्री बॉलिवूडची स्टार म्हणून ओळखली जात होती. त्यानंतर आता तिची मुलगी अलाया फर्निचरवालानंही आईच्या पावलावर पाऊल ठेवत बॉलिवूडमध्ये पदार्पण केलं आहे. त्या काळापासून ते आता अलायाच्या पदार्पणापर्यंत या इंडस्ट्रीमध्ये आणि समाजामध्ये काय काय बदल झाले यावर अभिनेत्री पूजा बेदीनं नुकत्याच दिलेल्या एका मुलाखतीत सविस्तर भाष्य केलं आहे. याचवेळी तिनं अलाया आणि यांच्या अफेअरच्या चर्चांवरही प्रतिक्रिया दिली आहे. पूजा बेदीनं नुकत्याच दिलेल्या मुलाखतीत अलाया संबंधीत सोशल मीडियावर सुरू असलेल्या चर्चांना दुजोरा दिला नाही पण त्यांना नाकारलंही नाही. या मुलाखतीत ती म्हणाली, 'अलायाच्या पर्सनल लाइफबद्दल नेहमीच अंदाज बांधले जाणार आहेत. जेव्हा मी बॉलिवूडमध्ये पदार्पण केलं होतं त्यावेळी परिस्थिती वेगळी होती. त्या वेळी बॉयफ्रेंड नसणं, व्हर्जिन असणं, विवाहित नसणं गरजेचं होतं. पण आज प्रत्येक व्यक्तीला त्याचं खासगी आयुष्य त्याच्या इच्छेनुसार जगण्याचा हक्क आहे.' पूजा पुढे म्हणाली, 'करिना कपूर खान लग्नानंतर चित्रपटांमध्ये काम करत आहे. तिनं अनेक परंपरा मोडल्या मला वाटतं आता या इंडस्ट्रीमध्ये खूप मोठा बदल झाला आहे. असं होऊ शकलं कारण प्रेक्षकांचीही मानसिकता बदलली. यासाठी सोशल मीडियाचे आभार. सोशल मीडियामुळे हे थोडं जास्तच सोपं झालं.' दरम्यान अभिनेत्री आणि दिवंगत शिवसेना प्रमुख बाळासाहेब ठाकरे यांचा नातू ऐश्वर्य ठाकरे यांच्या अफेअरच्या चर्चा सोशल मीडियावर मागच्या बऱ्याच काळापासून सुरू आहेत. याबद्दल एका मुलाखतीत अलायानं स्पष्टीकरण दिलं होतं. ती म्हणाली, 'तो माझा एक चांगला मित्र आहे. मला माहीत आहे मी कितीही सांगितलं तरी लोकांना या विश्वास बसणार नाही. पण आम्ही दोघं चांगले फॅमिली फ्रेंड्स आहोत.' अलाया म्हणते, 'माझी आई आणि ऐश्वर्यची आई एकमेकांना ओळखतात. माझे आजोबा सुद्धा त्याच्या आईला ओळखतात. तर आम्ही दोघंही बऱ्याच काळापासून एकत्र आहोत. फक्त आता हे सोशल मीडियावर आमचे फोटो व्हायरल झाल्यामुळे आमच्या नात्याबद्दल अंदाज बांधले जात आहेत. अन्यथा आम्ही दोघं अभिनय आणि नृत्याचे धडेही एकत्रच गिरवले आहेत. त्यामुळे आम्ही नेहमीच एकत्र दिसतो. कदाचित पॅपराजीनं थोडं अगोदर आमचे फोटो क्लिक केले असते तर त्यांच्याकडे आमचे अधिक फोटो असते. '
from Marathi Bollywood News, Marathi Cinema News https://ift.tt/2RFmH0W
