मुंबई: मुंबई पोलिसांनी ड्रग्ज प्रकरणात मोठी कारवाई करत बॉलिवूडचे प्रसिद्ध अभिनेता यांचा मुलगा याला अटक केली आहे. या कारवाईमध्ये ध्रुवकडून ३५ ग्रॅम एमडी ड्रग्ज जप्त करण्यात आलं. ही कारवाई मुंबई पोलिसांच्या अँटी नार्कोटिक्स सेलकडून करण्यात आली आहे. मिळालेल्या माहितीनुसार ध्रुव ताहिल मार्च २०२० पासून मुजम्मिल अब्दुल रहमान शेख नावाच्या एका ड्रग्ज पेडलरच्या संपर्कात होता. काही दिवसांपूर्वीच मुंबई पोलिसांनी मुजम्मिलला अटक केली होती आणि यानंतर झालेल्या चौकशीमध्ये त्यानं ध्रुव ताहिलला ड्रग्ज पुरवल्याचं मान्य केलं होतं. मुंबई पोलिसांच्या या कारवाईचं ट्वीट एएनआय या वृत्तसंस्थेकडून करण्यात आलं आहे. आरोपी मुजम्मिलच्या मोबाइलची तपासणी करतानाच ध्रुव ताहिल आणि मुजम्मिल व्हॉट्सअॅप चॅटच्या माध्यमातून एकमेकांच्या संपर्कात असल्याचनं समजलं होतं. ध्रुव ताहिलनं अनेकदा मुजम्मिलकडून ड्रग्ज मागवले होते. अशात ५ एप्रिलला मुंबई पोलिसांनी ध्रुवच्या घरावर छापा टाकत त्याला अटक केली. दरम्यान आतापर्यंत ध्रुव ताहिल अटकेबाबत अभिनेता दिलीप ताहिल यांनी कोणतीही प्रतिक्रिया दिलेली नाही. याशिवाय ध्रुव ताहिलनं मुजम्मिल याला ऑनलाइन पैसे ट्रान्सफर केल्याचेही पुरावे सापडले आहेत.
from Marathi Bollywood News, Marathi Cinema News https://ift.tt/3tqMh70
