मुंबई- मागील अनेक दिवसांपासून लोकप्रिय बॉलिवूड अभिनेता मनोज बाजपेयी याच्या '' ची सोशल मीडियावर प्रचंड चर्चा आहे. वेबसीरिज ४ जून २०२१ रोजी प्रेक्षकांच्या भेटीला येणार आहे. 'फॅमिली मॅन' च्या यशानंतर चाहते ही वेबसीरिज पाहण्यासाठी उत्सुक आहेत. भलेही वेबसीरिज प्रदर्शनापूर्वीच वादाच्या भोवऱ्यात अडकली. तरीही चाहत्यांमधील वेबसीरिज पाहण्याची उत्सुकता मुळीच कमी झालेली नाही. परंतु, यासोबतच दुःखाची गोष्ट म्हणजे अभिनेते यांची 'फॅमिली मॅन २' वेबसीरिज शेवटची ठरली आहे. आसिफ यांनी मागील वर्षी हिमाचल येथे आत्महत्या केली होती. अनेक हिट चित्रपट आणि वेबसीरिजमध्ये काम करून आपल्या दमदार अभिनयाने प्रेक्षकांवर छाप पाडणारे आसिफ बसरा यांनी मागील वर्षी १२ नोव्हेंबर २०२० मध्ये आत्महत्या करत आपलं जीवन संपवलं. आसिफ यांनी हिमाचल प्रदेशमधील धर्मशाळा जिल्ह्यातील मॅकलॉडगंज येथे गळफास लावून आत्महत्या केली होती. त्यांच्या आत्महत्येपूर्वीच 'फॅमिली मॅन २' मधील त्यांच्या पात्राचं चित्रीकरण पूर्ण झालं होतं. त्यामुळे आसिफ आता शेवटचे 'फॅमिली मॅन २' मध्ये दिसणार आहेत. आसिफ यांच्या मृत्यूने त्यांच्या संपूर्ण टीमला मोठा धक्का बसला होता. 'फॅमिली मॅन २' चे दिग्दर्शक राज डीके यांनी इन्स्टाग्राम पोस्ट करत आसिफ यांना श्रद्धांजली दिली होती. त्यांनी लिहिलं, 'मागील वर्षी आपल्यापैकी अनेकांनी आपल्या जवळच्या व्यक्तीला गमावलं. आम्हीही एका जवळच्या व्यक्तीला गमावलं आहे. आसिफ बसरा यांनी आमच्यासोबत 'फॅमिली मॅन २' चं चित्रीकरण केलं होतं. ते एक उत्कृष्ट अभिनेते होते. त्यांच्या मृत्यूमुळे आम्ही दुःखी आहोत. देव त्यांच्या आत्म्याला शांती देवो.' आसिफ यांनी 'ब्लैक फ्राइडे', 'परजानिया', 'जब वी मेट', 'वन्स अपॉन अ टाइम इन मुंबई', 'काय पो छे', 'क्रिश 3', 'एक विलन' यांसारख्या चित्रपटात काम केलं होतं.
from Marathi Bollywood News, Marathi Cinema News https://ift.tt/2QIvPSs
