मुंबई- टीव्हीवरील लोकप्रिय कार्यक्रम 'सुपर डान्सर ४' मध्ये सूत्रसंचालन करणारा अभिनेता पुन्हा एकदा सोशल मीडियावर चर्चेत आहे. रित्विकने '' या गाजलेल्या मालिकेत उत्कृष्ट अभिनय करून प्रेक्षकांच्या मनात स्थान मिळवलं होतं. याच मालिकेतील अभिनेत्री आशा नेगीसोबत रित्विक अनेक वर्ष रिलेशनमध्ये होता. त्यांची जोडी चाहत्यांच्या आवडत्या जोडींपैकी एक होती. परंतु, त्यांच्या ब्रेकअप नंतर चाहत्यांना मोठा धक्का बसला होता. नुकत्याच टाइम्स ऑफ इंडियाला दिलेल्या एका मुलाखतीत रित्विकने आजकालच्या नातेसंबंधांवर भाष्य केलं आहे. यामुळे सोडली 'पवित्र रिश्ता' मालिका 'पवित्र रिश्ता' मालिका सोडण्यावर रित्विक म्हणाला, 'या मालिकेत अडीच वर्ष काम केल्यानंतर लक्षात आलं आता काहीतरी नवीन करण्याची वेळ आली आहे. पण पुढे जर मी एखाद्या कार्यक्रमाचा भाग झालो तर मला त्या मालिकेवरही तितकंच प्रेम करावं लागेल जेवढं मी 'पवित्र रिश्ता' वर केलं. त्यामुळे मी आयुष्यात काहीतरी वेगळं करायचं ठरवलं.' लोकांसाठी एकमेकांपासून दूर जाणं सोपं झालंय आजकालच्या नातेसंबंधांवर बोलताना रित्विक म्हणाला, 'आजकाल तरुणाईमध्ये एका गुणाची कमी आहे तो म्हणजे तोडण्यापेक्षा जोडण्यावर भर देणं. मला वाटतं सांभाळून घेणं आपल्या आयुष्याचा एक भाग आहे. आजकाल लोकांसाठी दूर जाणं खूप सोपं आहे. पण मी जुन्या विचारांचा आहे जिथे नाती तोडली नाही जोडली जातात.' अभिनेत्री आशा नेगीसोबत ब्रेकअप रित्विक काही गेली अनेक वर्ष अभिनेत्री आशा नेगीसोबत रिलेशनशिप मध्ये होता. त्यांची भेट 'पवित्र रिश्ता' च्या सेटवर झाली होती. सुरुवातीला त्यांच्यात चांगली मैत्री होती. त्यानंतर या मैत्रीचं रूपांतर प्रेमात झालं. परंतु, अनेक वर्ष रिलेशनमध्ये राहूनही दोघांनी एकमेकांपासून दूर होण्याचा निर्णय घेतला. आता ते दोघे एकमेकांचे चांगले मित्र आहेत. 'नच बलिये ६' चे विजेते होते रित्विक आणि आशारित्विक आणि आशा यांनी डान्स शो 'नच बलिये ६' मध्ये भाग घेतला होता. दोघांनी हा कार्यक्रम जिंकलाही होता. त्यांची जोडी छोट्या पडद्यावरील लोकप्रिय जोडी होती. सहा वर्ष एकत्र राहून त्यांचं ब्रेकअप झालं होतं. आशाने स्वतः त्यांच्या ब्रेकअप बद्दल चाहत्यांना सांगितलं होतं.
from Marathi Bollywood News, Marathi Cinema News https://ift.tt/2QKdTXE
