ब्राझीलचा लोकप्रिय याचा अपघाती मृत्यू झाला. ब्राझीलमधील रिओ दे जनेयरो येथील हॉटेलच्या पाचव्या मजल्यावरून २३ वर्षीय केविन खाली पडला. त्यानंतर त्याला मृत घोषित करण्यात आले. १६ मे रोजी ही घटना घडली. एमसी केविनने दोन आठवड्यांपूर्वी गर्लफ्रेंड डिओलेने बेजेराशी लग्न केले होते. मित्रांना भेटण्यासाठी पाचव्या मजल्यावर गेला होता केविन मिळालेल्या माहितीनुसार, केविन हॉटेलच्या ११ व्या मजल्यावर राहत होता. तो पाचव्या मजल्यावर काही मित्रांना भेटण्यासाठी त्यांच्या खोलीत पोहोचला. केविन हॉटेलच्या बाल्कनीत उभा होता जिथून तो अनाकलनीयपणे खाली पडला. स्थानिक पोलिसांनी गुन्हा दाखल केला असून तपास सुरू आहे. इस्पितळात जाताच घेतला अखेरचा श्वास घटनास्थळी दाखल झालेल्या अग्निशमन दलाच्या पथकाने अपघातानंतर गायकाला तातडीने इस्पितळात दाखल केले, तेथे डॉक्टरांनी त्याला मृत घोषित केले. केविनने दोन आठवड्यांपूर्वी गर्लफ्रेंड डिओलेने बेजेराशी लग्न केले होते. डिओलेने ही एक वकील आहे. माझं तुझ्यावर नेहमीच प्रेम असेल केविनच्या निधनानंतर, डिओलेने त्यांच्या लग्नाचा ब्लॅक अँड व्हाइट फोटो सोशल मीडियावर शेअर करत त्याच्या चाहत्यांना ही दुःखद बातमी दिली. डिओलेनेने या फोटोसह एक मोठा भावनिक मेसेजलही लिहिला. डिओलेनेने लिहिले की, 'तू माझ्या आयुष्यातले प्रेम आहेस आणि कायमच राहशील. माझ्यावर सर्वात जास्त प्रेम करणारा आणि आदर देणारा माणूस. देवाकडे जा, मी नेहमीच तुझ्यावर प्रेम करीन.' वयाच्या १६ व्या वर्षी रिलीज केलेले पहिले गाणे केव्हिनच्या आईनेही आपल्या मुलाला श्रद्धांजली वाहताना एक पोस्ट सोशल मीडियावर शेअर केली. यावेळी त्या म्हणाल्या की, जेव्हा त्यांचं आणि केविनचं शेवटचं बोलणं झालं होतं तेव्हा गायकाने 'आई माझं तुझ्यावर खूप प्रेम आहे' असं म्हटलं होतं. याने २१३ मध्ये त्यांचे पहिले गाणे रिलीज केले होते. त्यावेळी तो फक्त १६ वर्षांचा होता. त्याचे Cavalo de Troia (Trojan Horse) हे गाणे युट्यूबवर कोट्यवधी वेळा पाहिले गेले आहे.
from Marathi Bollywood News, Marathi Cinema News https://ift.tt/3ysYdsX
