मुंबई- बॉलिवूड आणि क्रिकेट यांचं जवळचं नातं आहे. असे अनेक क्रिकेटपटू आहेत ज्यांनी बॉलिवूड अभिनेत्रींसोबत संसार थाटले आहेत. विराट- अनुष्का, हरभजन सिंह- गीता बसरा अशी आणखीही काही नावं सांगता येतील. परंतु अशाही काही अभिनेत्री आणि क्रिकेटपटूंच्या जोड्या आहेत ज्यांची प्रेमकहाणी पूर्ण होऊ शकली नाही. अशीच एक जोडी होती बॉलिवूड अभिनेत्री आणि पाकिस्तानी क्रिकेटपटू यांची. कधीकाळी सुष्मिता आणि वसीम यांच्या प्रेमाच्या चर्चा सिनेवर्तुळात रंगल्या होत्या. वसीम आणि सुष्मिताची पहिली भेट एका डान्स रिऍलिटी शोच्या सेटवर झाली होती. कार्यक्रमाच्या चित्रीकरणादरम्यान ते दोघे भेटले आणि एकमेकांचे चांगले मित्र झाले. कार्यक्रमादरम्यान चाहत्यांमध्ये त्यांच्यातील प्रेमाच्या चर्चा रंगू लागल्या होत्या. परंतु, त्यावेळेस वसीम विवाहित होते. सूत्रांच्या माहितीनुसार, २००९ साली वसीम यांची पत्नी हुमा यांच्या लग्नांनंतर वसीम आणि सुष्मिता आणखी जवळ आले आणि लग्नाचा विचारही करत होते. अनेकदा त्यांना एकत्र पाहिलं जातं होतं परंतु, त्यांनी कधीही आपल्या नात्यावर मोकळेपणाने भाष्य केलं नव्हतं. एका वृत्तपत्राने दिलेल्या माहितीनुसार, वसीम सुष्मिताच्या जगण्याच्या पद्धतीवर नाराज होते. सुष्मिता एक अभिनेत्री होती. त्यामुळे तिची लाइफस्टाइल आणि व्यग्र शेड्युलमुळे वसीम स्वतःला कमी समजू लागले होते. सुष्मिताच्या कामामुळे तिला त्यांच्या नात्याला वेळ देता येत नव्हता. त्यामुळे वसीम चिडचिड करू लागले होते. अखेर त्या दोघांनीही आपल्या नात्यावर पुन्हा विचार करण्याचा निर्णय घेतला. एका मुलाखतीमध्ये सुष्मिताने वसीम यांच्यासोबतच्या नात्यावर बोलताना म्हटलं, 'हो मला वसीम आवडतात पण याचा अर्थ असा नाही की माझं त्यांच्यासोबत अफेअर आहे. रिलेशनशिपमध्ये येणं ही वेगळी गोष्ट आहे आणि एक दिवस ते होईल. तेव्हा मी सगळ्यांना स्वतः यागोष्टीबद्दल सांगेन.'
from Marathi Bollywood News, Marathi Cinema News https://ift.tt/2T8gb3v
