मुंबई- करोनाने देशात हाहाकार सुरू आहे. कित्येकांना आपल्या जवळच्या व्यक्तींना गमवावं लागलं आहे. बॉलिवूड अभिनेता यालाही काही दिवसांपूर्वी करोनाची लागण झाली होती. त्यानंतर अंगदला आयसोलेशन मध्ये ठेवावं लागलं होतं. अखेर १६ दिवसांनी करोनाविरुद्धची लढाई जिंकून अंगद आपल्या घरी परतला आहे. घरी परतताच आपली पत्नी नेहा धुपिया आणि मुलीला पाहून तो आनंदी आहे. आपल्या कुटुंबासोबतच्या भेटीचा हा क्षण त्याने चाहत्यांसोबतही शेअर केला आहे. यात अंगदची मुलगी धावत येऊन त्याला बिलगताना दिसतेय. आपल्या कुटुंबासोबतच्या भेटीचा क्षण अंगदने त्याच्या इन्स्टाग्राम अकाउंटवर शेअर केला आहे. त्याने शेअर केलेल्या व्हिडिओची सुरुवात नेहाच्या आवाजाने होतेय. पाठमोऱ्या उभ्या असणाऱ्या आपल्या मुलीला नेहा तिचे बाबा घरी आल्याचं सांगते. मागे वळताच अचानक बाबा दिसल्याने मुलीलाही काही सुचत नाही. शेवटी ती धावतच अंगदच्या कुशीत शिरते. तो आपल्या मुलीला उचलून घेतो आणि तिचे लाड करायला लागतो. तिच्यासाठी खाऊ देखील आणतो. आपल्या कुटुंबात परत येण्याचा आनंद अंगदच्या चेहऱ्यावर ओसंडून वाहतो आहे. करोनाला हरवून घरी परतलेल्या आपल्या पतीला पाहून नेहादेखील खूप आनंदी आहे. हा व्हिडीओ शेअर करत अंगदने लिहिलं, 'करोना तू सगळ्या मनुष्यजातीवर तुझा प्रभाव दाखवत आहेस. ही वेळ खूप कठीण आहे. परंतु, यामुळे एक गोष्ट समोर आली आहे ती म्हणजे आम्हाला आमच्या माणसांची किंमत कळाली. मी अखेर १६ दिवसांनी करोनावर मात करून पुन्हा माझ्या कुटुंबाला भेटलो आहे. माझी पत्नी नेहा आणि मुलगी मेहेर यांना पाहून मी खूप आनंदी आहे. त्या स्वतः खूप कठीण परिस्थितीला तोंड देत होत्या. घरी परत येण्याशिवाय चांगली दुसरी कोणतीही भावना नाहीये. मी माझ्या घरी आहे. देवाची आमच्यावर अशीच कृपादृष्टी राहूदे.'
from Marathi Bollywood News, Marathi Cinema News https://ift.tt/34b3M0U
