मुंबई- बॉलिवूडचा 'सिंघम' अभिनेता अजय देवगन आणि यांची मुलगी अनेकदा सोशल मीडियावर चर्चेत असते. न्यासादेखील इतर स्टार किड्सप्रमाणे लोकप्रिय आहे. १८ वर्षांची न्यासा जेव्हाही घराबाहेर पडते तेव्हा फोटोग्राफर्स तिचे फोटो काढण्यासाठी तिच्या मागे पळताना दिसतात. त्यामुळेच न्यासा इतर कलाकारांच्या मुलांप्रमाणेच सोशल मीडियावर चर्चेत असते. परंतु, गेल्या काही वर्षात न्यासाने तिच्या लुकमध्ये इतका बदल केला आहे की नेटकरीही तिचं कौतुक करण्यापासून स्वतःला अडवू शकलेले नाहीत. न्यासामधील हा बदल सगळ्यांनाच प्रचंड आवडतोय. न्यासाचे तेव्हाचे आणि आताचे असे फोटो सोशल मीडियावर व्हायरल होत असतात. या फोटोंमधील न्यासाचं ट्रान्सफॉर्मशन पाहून नेटकऱ्यांनीही तोंडात बोट घातली आहेत. यापूर्वी अनेकदा न्यासाला तिच्या लुकसाठी सोशल मीडियावर ट्रोल केलं गेलंय. न्यासाला ट्रोल करणाऱ्या नेटकऱ्यांना अजय आणि काजोल यांनी मुलीला थोडी प्रायव्हसी देण्याची अनेकदा विनंतीदेखील केली आहे. परंतु, नेटकरी मात्र ऐकायला तयार नव्हते. नेटकरी न्यासाला तिच्या रंगावरून, उंचीवरून आणि कपड्यांवरून बोलायचे. तिची थट्टा करायचे. परंतु, सगळ्यांनाच सडेतोड उत्तर देत न्यासाने स्वतः मध्ये बदल घडवून आणला आहे. न्यासा सध्या सिंगापूरमध्ये शिक्षण घेत आहे. न्यासाने अभिनेत्री बनण्याबाबत कोणतीही घोषणा केलेली नाही. याबाबतीत जेव्हा काजलला विचारणा करण्यात आली तेव्हा ती म्हणाली, 'मी कुठल्याच गोष्टीसाठी तिच्यावर दबाव टाकणार नाही. तिने तिचे निर्णय स्वतः घ्यावेत. आम्ही सगळे तिचा निर्णय मान्य करू. तिला काय व्हायचं आहे ते तिच्यावर आहे. मी तिला भविष्याबाबत कोणताही सल्ला देणार नाही. तो निर्णय तिचा स्वतःचा असला पाहिजे.' परंतु, जर न्यासाने बॉलिवूडमध्ये पदार्पण केलं तर प्रेक्षकांच्या तिच्याकडून भरपूर अपेक्षा असतील हे नक्की.
from Marathi Bollywood News, Marathi Cinema News https://ift.tt/2Q6AFbM
