मुंबई: बॉलिवूड अभिनेता सोशल मीडियावर बराच सक्रिय आहे. लवकरच त्याचा बहुप्रतिक्षीत चित्रपट 'राधे' प्रेक्षकांच्या भेटीला येत आहे. अशात सलमान खानची एक पोस्ट सध्या सोशल मीडियावर चर्चेत आहे. यामागचं कारणही तेवढंच खास आहे. सलमानच्या या पोस्टवर त्याची एक्स गर्लफ्रेंड हिने कमेंट केली आहे आणि संगीताची हीच कमेंट आता सोशल मीडियावर चर्चेचा विषय ठरली आहे. जगभरात ९ मे दिवशी मदर्स डे साजरा करण्यात आला होता. या दिवशी अनेक बॉलिवूड सेलिब्रेटींनी आपल्या आईचा किंवा आईसोबतचा फोटो सोशल मीडियावर शेअर करत शुभेच्छा दिल्या. ज्यात सलमान खानचाही समावेश होता. सलमाननंही आपल्या आईचा फोटो इन्स्टाग्रामवर शेअर केला होता आणि सलमानच्या याच फोटोवर त्याची एक्स गर्लफ्रेंड संगीता बिजलानीनं कमेंट केली आहे. सलमाननं आपल्या आईचा फोटो शेअर करताना लिहिलं, 'मातृदिनाच्या शुभेच्या... सुरक्षित राहा' सलमानच्या फोटोवर संगीता बिजलानीनं कमेंट केली आहे. लिहिलं, 'आई' आणि यासोबतचं तिनं हार्ट इमोजी सुद्धा पोस्ट केले आहेत. सलमानच्या आईच्या फोटोवरील संगीताची ही कमेंट आता चाहत्यांमध्ये चर्चेचा विषय ठरली आहे. एकेकाळी सलमान खान आणि संगीता बिजलानी यांच्या अफेअरच्या बऱ्याच चर्चा झाल्या होत्या एवढंच नाही तर हे दोघं लग्नही करणार होते. पण काही कारणानं त्यांच्यात दुरावा आला आणि दोघंही वेगळे झाले. पण आजही दोघं एकमेकांचे चांगले मित्र आहेत. अनेकदा दोघंही एकमेकांच्या पोस्टवर कमेंट करताना दिसतात.
from Marathi Bollywood News, Marathi Cinema News https://ift.tt/3o5LpDI
