मुंबई : सैफ अली खान आणि अमृता सिंगचा मुलगा याने अजूनतरी सिनेमात प्रवेश केला नसला तरी तो सोशल मीडियावर सतत चर्चेत असतो. त्याच्या फोटोंवर अनेकजण कमेन्ट करत आपल्या प्रतिक्रिया देत असतात. यातही तो बराचसा सैफसारखा दिसत असल्याच्या प्रतिक्रिया सातत्याने मिळत असतात. अलिकडेच इब्राहिमचे काही फोटो सोशल मीडियावर व्हायरल झाले आहेत. या फोटोंमध्ये इब्राहिमने निळ्या रंगाची जर्सी आणि शॉर्टस घातली असून स्पोर्ट्स शूज घातले आहेत. या फोटोंमुळे इब्राहिम खूपच चर्चेत आला आहे. इब्राहिम फुटबॉल खेळण्यासाठी तयार झाला होता. परंतु फोटोपाहून युझर्स आनंदी कमी आणि हैराणच जास्त झाले आहेत. कारण या फोटोमध्ये इब्राहिमचे पाय एकदम पांढरे दिसत आहेत. त्यावरून अनेक युझर्सने कमेन्टही केल्या आहेत. युझर्सने दिल्या अशा प्रतिक्रिया इब्राहिमचे फोटो पाहून युझर्सने लिहिले की, 'इब्राहिम तुला नक्की काय झाले आहे?' दुसऱ्या युझरने 'चिकन लेग' अशी कमेन्ट केली. दरम्यान इब्राहिमचे हे फोटो पाहून युझर्स खूपच गोंधळात पडले आहेत. शहरामध्ये लॉकडाउन आहे तरी इब्राहिम घराबाहेर कसा पडला असा प्रश्नही अनेकांनी यावेळी केला. सारासोबत शेअर केला होता फोटो दरम्यान, इब्राहिम आणि सारा बहिण- भावांमध्ये खूपच छान बाँडिंग आहे. अनेकदा हे दोघे एकमेकांसोबत फोटो सोशल मीडियावर शेअर करत असतात. इब्राहिमने सारासोबतचा फोटो शेअर करत सर्वांना ईदच्या शुभेच्छा दिल्या होत्या. या दोघांचा हा फोटो काश्मीर ट्रीपवेळी काढलेला होता. या दोघा भावा-बहिणींमध्ये असलेले प्रेम पाहून चाहते ही त्यांच्या फोटोंना लाइक करत त्यावर आपलं प्रेम व्यक्त करत असतात.
from Marathi Bollywood News, Marathi Cinema News https://ift.tt/2RtP6r6
