मुंबई- '', 'ओम शांती ओम', 'गॉलमाल ', 'हाऊसफुल २' सारख्या हिट चित्रपटात काम केलेला मराठमोळा अभिनेता सध्या कामाच्या शोधात आहे. अनेक चित्रपटात झळकलेल्या श्रेयसकडे मागील दोन वर्षांपासून एकही चित्रपट नाही. आपल्या अभिनयाने प्रेक्षकांची मनं जिंकणारा श्रेयस सध्या मात्र अनेक अडचणींचा सामना करत आहे. स्वतःची प्रसिद्धी करता येत नसल्यामुळे आमच्याकडे कोणी पाहतही नाही असं श्रेयसचं म्हणणं आहे. नुकत्याच दिलेल्या मुलाखतीत श्रेयसने बॉलिवूडबद्दल अनेक धक्कादायक खुलासे केले आहेत. टाइम्स ऑफ इंडियाला दिलेल्या मुलाखतीत श्रेयसने बॉलिवूडचा खरा चेहरा सगळ्यांसमोर आणला आहे. श्रेयसने म्हटलं, ''इकबाल' चित्रपटानंतर मला एकही मुख्य भूमिका असलेला चित्रपट मिळाला नाही कारण मला स्वतःची प्रसिद्धी करता येत नाही. स्वतःला सतत लोकांसमोर ठेवता येत नाही. सतत चर्चेत राहता येत नाही. तुम्हाला तुमच्या कामामुळे दुसरं काम मिळालं पाहिजे पण इथे तसं काहीही होत नाही. तुम्ही सोशल मीडियावर चर्चेत राहायला असमर्थ ठरलात तर तुम्हाला काम मिळणंदेखील बंद होतं. आज असे अनेक जण आहेत ज्यांना अभिनय येत नाही तरीही ते फक्त प्रसिद्धीच्या जोरावर मोठमोठ्या चित्रपटात काम करतायत आणि आमच्यासारखे ज्यांना खरंच अभिनय येतो ते कामाशिवाय घरी बसलेत.' बॉलिवूडमधील इतर अभिनेत्यांबद्दल सांगताना श्रेयस म्हणाला, 'बॉलिवूडमधील कित्येक अभिनेते माझ्यासोबत काम करायला तयार नाहीत आणि मला चित्रपटांमध्ये घेऊ इच्छित नाहीत. पण मी याच मित्रांच्या भल्याचा विचार करून काही चित्रपट केले आणि आज त्यांनीच माझ्या पाठीत खंजीर खुपसला. काही मित्र पुढे गेले, चित्रपट बनवू लागले. मलापण चांगल्या भूमिकांची गरज आहे. मी अशा भूमिकांच्या शोधात आहे. मी या मंचावर अभिनय करताना मरणं जास्त पसंत करेन. जेव्हा जेव्हा मी निराश होतो तेव्हा मी स्वतःला समजावतो की निराश होऊ नको. तू तोच अभिनेता आहेस ज्याने 'इकबाल' केलाय. बॉलिवूडमध्ये लोकांचा इगो फार नाजुक आहे.' श्रेयस सारख्या प्रतिभावंत कलाकाराला बॉलिवूडमध्ये काम न मिळणं ही मोठी शोकांतिका आहे. श्रेयस तळपदेने केले आहेत हे हिंदी सिनेमे हिंदी सिनेसृष्टीत येण्यापूर्वी श्रेयस तळपदे याने मराठी रंगभूमी आणि सिनेमांमध्ये बरंच नाव कमावलंं आहे. इकबालशिवाय त्याने डोर, ओम शांती ओम, वेलकम टू सज्जनपुर, गोलमाल रिटर्न्स, गोलमाल ३, हाऊसफुल २, पोस्टर बॉइज, गोलमाल अगेन अशा बर्‍याच प्रसिद्ध आणि यशस्वी सिनेमांमध्ये काम केले आहे.
from Marathi Bollywood News, Marathi Cinema News https://ift.tt/3tV3V37
