मुंबई: बॉलिवूड अभिनेत्री सोशल मीडियावर नेहमीच सक्रिय असते. अनेकदा ती सामाजिक आणि राजकीय मुद्द्यांवर आपलं मत मांडताना दिसते. काही दिवसांपूर्वीच तिनं इन्स्टाग्रामवर एक पोस्ट करत तिची करोना टेस्ट पॉझिटिव्ह आल्याची माहिती दिली होती. ती सध्या घरीच राहून उपचार घेत आहे. कंगनाच्या या पोस्टनंतर राष्ट्रीय पुरस्कार विजेता चित्रपट निर्माता आणि लेखक यांनी कंगनाबाबत एक ट्वीट करत तिला टोला लगावला आहे. त्यानं कंगनाला तिच्या स्वभावातील कटूतेचीही टेस्ट करून घेण्याचा सल्ला दिला आहे. अपूर्वनं त्याच्या ट्वीटमध्ये लिहिलं, 'तुझ्या स्वभावातील दोष आणि कटुतेचीही टेस्ट करून घे. जे तू सहजपणे कोणात्याही निर्दोष व्यक्तीवर लादतेस. त्यांच्या आयुष्यात भीती निर्माण करतेस. या सर्व वाईट गोष्टी स्वतःमधून बाहेर काढ आणि लवकर ठीक हो.' कंगनानं तिच्या इन्स्टाग्राम पोस्टमध्ये लिहिलं होतं की, 'मागच्या काही दिवसांपासून माझ्या डोळ्यांची जळजळ होत होती. सोबतच विकनेस जाणवत होता. तसेच मी माझ्या हिमाचल प्रदेशातील घरी जाण्याचा विचार करत होते आणि त्यासाठी मी करोनाची टेस्ट केली जी पॉझिटिव्ह आली आहे.' कंगना रणौत आणि अपूर्व असरानी यांनी हंसल मेहता यांच्या 'सिमरन' या चित्रपटात एकत्र काम केलं होतं. कंगना या चित्रपटात मुख्य भूमिकेत होती. तर अपूर्व या चित्रपटाचा लेखक म्हणून काम पाहत होता. पण या दरम्यान कंगना आणि अपूर्व यांच्यात काही वाद झाले आणि नंतर अपूर्वनं हा चित्रपट अर्ध्यावरच सोडून दिला होता.
from Marathi Bollywood News, Marathi Cinema News https://ift.tt/3eZaw7e
