मुंबई- विश्वसुंदरीचा किताब जिंकणारी बॉलिवूड अभिनेत्री ऐश्वर्या रायच्या सौंदर्याचे तर लाखो चाहते आहेत. ऐश्वर्याने अनेक हिट चित्रपटात काम करून आपल्या अभिनयाचीही रसिक प्रेक्षकांवर छाप पाडली आहे. तिच्या डोळ्यांपासून ते नितळ त्वचेपर्यंत सगळ्याच गोष्टींच्या चाहत्यांमध्ये चर्चा असतात. कित्येकांना आपल्या सौंदर्याने घायाळ करणाऱ्या ऐश्वर्याची बॉलिवूड अभिनेता याने मात्र थट्टा उडवली होती. त्याच्या अशा वागण्यावर ऐश्वर्याने देखील संताप व्यक्त केला होता. 'मर्डर', 'राज', कलयुग, आणि 'जन्नत' सारख्या हिट चित्रपटात काम करून प्रेक्षकांच्या मनात स्थान निर्माण करणारा अभिनेता इम्रान हाश्मीने ऐश्वर्याला प्लास्टिकची उपमा दिली होती. तसं तर इम्रान कोणत्याही प्रकारच्या कॉन्ट्रोवर्सीपासून दूर असतो परंतु, २०१४ साली दिलेल्या एका मुलाखतीत त्याला विचारण्यात आलेल्या प्रश्नावर इम्रानने अनपेक्षित उत्तर देऊन सगळ्यांना आश्चर्यचकित केलं होतं. मुलाखतीदरम्यान इम्रानला विचारण्यात आलं की, ऐश्वर्या रायच नाव ऐकल्यावर सगळ्यात आधी त्याच्या मनात कोणता शब्द येतो. त्यावर उत्तर देत इम्रान म्हणाला, 'प्लास्टिक.' त्यानंतर जेव्हा आमिर खानचं नाव घेतलं गेलं तेव्हा इम्रानने उत्तर दिलं, 'बोरिंग'. इम्रानच्या या मुलाखतीची सोशल मीडियावर प्रचंड चर्चा रंगली. ऐश्वर्याने देखील इम्रानच्या या वक्तव्यावर संताप व्यक्त केला. त्यानंतर इम्रान आणि बच्चन कुटुंबात एक प्रकारचा दुरावा आला होता. या सगळ्या परिस्थितीनंतर इम्रानला त्याच्या वक्तव्यासाठी माफी मागावी लागली होती. सध्या इम्रान आणि बच्चन कुटुंबियांमधील संबंध चांगले आहेत. इम्रान लवकरच अमिताभ यांच्यासोबत '' चित्रपटात झळकणार आहे. त्यांच्या व्यतिरिक्त चित्रपटात अनू कपूर, रिया चक्रवर्ती आणि क्रिस्टल डीसूजादेखील असणार आहेत. चित्रपटाच्या ट्रेलरला प्रेक्षकांची खास पसंती मिळाली होती.
from Marathi Bollywood News, Marathi Cinema News https://ift.tt/2R59crw
