मुंबई : सतत वेगवेगळ्या कारणाने चर्चेत असलेली आणि चर्चा निर्माण करणारी अभिनेत्री म्हणजे . कंगनाचा करोना रिपोर्ट निगेटिव्ह आल्याची माहिती तिने आपल्या चाहत्यांना सोशल मीडियावरून दिली होती. हा रिपोर्ट आल्यानंतर ती हिमाचल येथील तिच्या घरी रवाना झाली आहे. मुंबई विमानतळावर गुरुवारी दुपारी कंगनाचे फोटो काढण्यासाठी फोटोग्राफर्सने एकच गर्दी केली होती. कंगना मुंबई विमानतळावर आली तेव्हा तिने ऑरेंज रंगाची शिफॉनची साडी नेसली होती. हातात बेज रंगाची बॅग, गळ्यात मोत्यांचा चोकर घातला होता. चेह-यावर पांढ-या रंगाचा मास्क घातला होता. गाडीतून उतरल्यानंतर कंगनाने केली चौकशी करोना वायरसची दुसरी लाट आल्याने महाराष्ट्र सरकारने राज्यात लॉकडाऊन लागू केला. तेव्हा कंगना मुंबईतच होती. त्यानंतर तिला हिमाचलमधील तिच्या घरी जायचे असल्याने तिने करोनाची टेस्ट केली. तेव्हा ती टेस्ट पॉझिटिव्ह आली. त्यानंतर ती होम क्वारंटाईन होती. क्वारंटाईनचा कालावधी पूर्ण केल्यानंतर तिने पुन्हा करोनाची टेस्ट केली असता ती निगेटिव्ह आली. त्यामुळे आता ती हिमाचलसाठी रवाना झाली. कंगना तिच्या गाडीतून विमानतळावर आली. ती आल्यानंतर फोटोग्राफर्सने तिचे फोटो काढण्यास सुरुवात केली. तेव्हा तिने फोटोग्राफर्सना विचारले 'तुमच्यापैकी कुणाला करोना झाला होता का? ' त्यावर फोटोग्राफरने नाही असे उत्तर दिले. कंगनाने पुढे विचारले की, ' तुम्ही लोकांनी वॅक्सिन घेतले का...घेतले नसेल तर लगेचच करून घ्या.' असा सल्लाही तिने दिला. जेव्हा फोटोग्राफर्सने तिच्या तब्येतीबद्दल विचारले तेव्हा ती म्हणाली, ' मी छान आहे... धन्यवाद...' विमानतळावर उतरल्यानंतर कंगनाने फोटोग्राफर्ससोबत सोशल डिस्टन्सिंग पाळले होते. विमानतळाच्या आतमध्ये जाणा-या गेटमध्ये गेल्यावर मगच तिने मास्क काढला आणि फोटोग्राफर्सना पोझ दिली. करोनमुक्त झाल्यानंतर कंगनाने लिहिली पोस्ट कंगना रणौतने तिचा करोना रिपोर्ट निगेटिव्ह आल्यानंतर एक पोस्ट लिहिली होती. तिने लिहिले होते की, ' माझा करोना रिपोर्ट निगेटिव्ह आला आहे. मी करोनाविरुद्ध कशी लढले, याबद्दल मला बरेच काही सांगायचे आहे. परंतु मला कोविड फॅन क्लबला नाराज करायचे नसल्याने मी ते करणार नाही. बाहेर असेही काही लोक आहेत त्यांना करोनाचा अपमान सहन होत नाही. असो.. तुम्ही सर्वांनी दिलेल्या प्रेमाबद्दल आणि आशिर्वादाबद्दल आभार...'
from Marathi Bollywood News, Marathi Cinema News https://ift.tt/3u62ChX
