मुंबई: टीव्हीची प्रसिद्ध अभिनेत्री आणि तिचा पूर्वश्रमीचा पती यांच्यातील वाद आता नवे नाहीत. सोशल मीडियावर अनेकदा या दोघांच्या वादांची चर्चा होताना दिसते. आताही अभिनवनं श्वेतावर सोशल मीडियावरून गंभीर आरोप केले आहेत. श्वेता नुकतीच ''च्या शूटिंगसाठी रवाना झाली त्यानंतर ती त्यांच्या मुलगा रेयांशला मुंबईच्या हॉटेलमध्येच सोडून गेली आहे असं म्हणत अभिनवनं श्वेतावर आरोप केले आहेत. अशात आता श्वेतानंही त्याच्यावर पलटवार करत उत्तर दिलं आहे आणि मुलगा कुटुंबासोबत सुरक्षित असल्याचंही म्हटलं आहे. नुकत्याच दिलेल्या एका मुलाखतीत श्वेता म्हणाली, 'मी अभिनवला फोन करून सांगितलं होतं की, मी केपटाऊनला जात आहे आणि रेयांश आपल्या कुटुंबासोबत सुरक्षित आहे. माझी आई, नातेवाईक, माझी मुलगी पलक त्याची काळजी घेत आहेत. सोबतच मी नेहमीच शूटिंगच्या दरम्यान रेयांशशी व्हिडीओ कॉलवर संपर्कात असणार आहे. मी अभिनवला सर्वकाही व्यवस्थित समजावलं होतं. पण जेव्हा त्यानं असा व्हिडीओ पोस्ट केला तेव्हा मी देखील हैराण झाले होते.' श्वेता पुढे म्हणाली, 'अभिनव असा का वागतो. त्याचा या मागचा काय हेतू आहे हे समजत नाही. न्यायालयाच्या निर्णयानंतर रोज संध्याकाळी जवळपास तासभर अभिनव रेयांशशी बोलतो. खरं तर न्यायालयानं रोज अर्धा तास बोलण्याची परवानगी दिली आहे. पण अभिनवचं म्हणणं आहे की त्याला थोडा जास्त वेळ मिळायला हवा. त्यामुळे मी त्यांना एक तास बोलू देते. पण तरीही जर तो म्हणत असेल की त्याचा मुलगा कुठे आहे हे त्याला माहीत नाही तर आता मी यावर काय बोलू.' श्वेतानं सांगितलं, 'मी रेयांश, त्याची नॅनी आणि माझ्या आईला केपटाऊनला घेऊन येण्यासाठी तयार होते. पण त्यासाठी अभिनवनं कोणतीही सोय केली नाही. ना असं करण्याची परवानगी दिली. मी रेयांशच्या सुरक्षेची पूर्ण काळजी घेत आहे. तर दुसरीकडे अभिनव त्याच्या मुलासाठी एका पैशाची मदत करत नाही.' दरम्यान अभिनव कोहलीनं सोशल मीडियाच्या माध्यमातून श्वेतावर गंभीर आरोप केले होते. तो म्हणाला, 'ती तिच्या शोच्या शूटिंगसाठी दक्षिण आफ्रिकेला निघून गेली. तिनं मला तिच्या जाण्याविषयी सांगत मुलाला तिथे नेण्याविषयी विचारलं होतं. पण सध्याची करोना परिस्थिती पाहता मी परवानगी दिली नाही. ती १२ तास काम करणार अशात मुलाला हॉटेलमध्ये ठेवणं मला पटलं नाही त्यामुळे मी तिला म्हणालो की मी त्याची काळजी घेईल. ती तर निघून गेली पण मग माझा मुलगा कुठे आहे. मी पोलीस स्टेशनलाही गेलो होतो पण त्यांनी मला चाइल्ड वेलफेअरमध्ये जाण्यास सांगितलं.'
from Marathi Bollywood News, Marathi Cinema News https://ift.tt/3o109DT
