मुंबई: अभिनेत्री आणि 'बिग बॉस १४'ची स्पर्धक निक्की तांबोळीच्या भावाचं काही दिवसांपूर्वीच करोनामुळे निधन झालं आहे. तो २९ वर्षांचा होता. भाऊ जतिनच्या निधनानंतर निक्कीसह तिच्या संपूर्ण कुटुंबीयांवर दुःखाचा डोंगर कोसळला आहे. पण भावाच्या निधनानंतर अवघ्या दोनच दिवसांनंतर निक्की '' च्या शूटिंगसाठी केपटाऊनला रवाना झाली. त्याआधी तिनं एक लांबलचक पोस्ट टाकत याची माहिती दिली होती. मात्र केपटाऊन येथील काही फोटो आणि व्हिडीओ सोशल मीडियावर व्हायरल झाल्यानंतर निक्की तांबोळीला सोशल मीडियावर ट्रोल केलं जात आहे. ज्यावर निक्कीनं या ट्रोलर्सना सडेतोड उत्तर दिलं आहे. निक्की 'खतरों के खिलाडी ११'च्या शूटिंगसाठी साऊथ आफ्रिकेला पोहोचली आहे. अशात तिनं तिच्या सोशल मीडियावर इतर स्पर्धकांसोबत मजा-मस्ती करतानाचे काही व्हिडीओ आणि फोटो शेअर केले आहेत. ज्यावरून तिला सोशल मीडियावर जोरदार ट्रोल केलं जात आहे. काही दिवसांपूर्वीच भावाचं निधन झालेलं असताना निक्कीचं असं वागणं युझर्सच्या पचनी पडलेलं नाही आणि तिला यावरून ट्रोल केलं आहे. 'काही दिवसांपूर्वीच भावाचं निधन झालंय आणि तू मजा करतेयस' असं म्हणत युझर्सनी तिला ट्रोल केलं. पण यावर निक्कीनं सुद्धा या ट्रोलर्सना सडेतोड उत्तर देत त्यांची बोलती बंद केली आहे. निक्कीनं तिच्या इन्स्टाग्राम स्टोरीवर एक पोस्ट शेअर केली आहे. ज्यात तिनं लिहिलं, काही मूर्ख लोक मला मेसेज करत आहेत आणि माझ्या फोटोंवर कमेंट करत आहेत की 'तुझ्या भावाचं काही दिवसांपूर्वीच निधन झालं आहे. तुला लाज वाटत नाही , तू मजा करतेयस?' तर अशा मूर्खांना मी सांगू इच्छिते की माझं पण स्वत:चं आयुष्य आहे. मलाही आनंदी राहण्याचा अधिकार आहे, माझ्यासाठी नव्हे तर माझ्या भावासाठी. तो मला आनंदी पाहून कायम समाधानी असायचा आणि हे लोक ज्यांना काही काम नाही ते फक्त कमेंट करून नकारात्मकता पसरवण्याचं काम करत आहेत. अशा लोकांना माझी विनंती आहे की, जा तुमची स्वप्न पूर्ण करा. ज्यामुळे तुम्हाला, तुमच्या कुटुंबाला आणि तुमच्या जवळच्या सर्वांनाच अभिमान वाटेल आणि आनंद होईल. दरम्यान केपटाऊनला रवाना होण्याआधीही निक्कीनं तिच्या इन्स्टाग्रामवर एक मोठी पोस्ट लिहिली होती. ज्यात तिनं 'खतरों के खिलाडी मी सहभागी व्हावं हे माझ्या भावाचं स्वप्न होतं. सध्या मी माझ्या आयुष्याच्या सर्वाधिक कठीण काळातून जात आहे. कुटुंबला नेहमीच मी प्रथम प्राधान्य देईन पण आता मला माझ्या भावाचं ते स्वप्न पूर्ण करायचं आहे आणि यासाठी तो मला हिंमत देईल.' असं म्हटलं होतं.
from Marathi Bollywood News, Marathi Cinema News https://ift.tt/2RynQHE
