मुंबई : चारवेळा विजेते दिग्दर्शक चांगलेच अडचणीत आले आहेत. वुडी यांनी तर चक्क आपल्या सावत्र मुलगी सून ये प्रेविनबरोबर लग्न केले आहे. तर दत्तक मुलीने वुडीवर केले आहेत. या आरोपांमुळे वुडी चांगलेच अडचणीत आले आहेत. अमेरिकन वृत्तवाहिनी फॉक्स न्यूजने दिलेल्या वृत्तानुसार, २०२० मध्ये ड्रू याच्या मुलाखतीच्या कार्यक्रमात 'द ड्रूव बैरीमोर शो' मध्ये वुडी अॅलेनची दत्तक मुलगी डाइलन फैरो पाहुणी म्हणून आली होती. या कार्यक्रमात तिने सर्वांना धक्कादायक अशी गोष्ट सांगितली होती. डायइलनने सांगितले की, तिच्या वडिलांनी चार वेळा ऑस्कर पारितोषिक जिंकले आहे. परंतु ती सात वर्षांची असताना त्यांनी तिचे लैंगिक शोषण केले होते. तिने सांगितलेल्या या धक्कादायक खुलाशानंतर ड्रूने वुडीसोबत काम केल्याबद्दल पश्चाताप व्यक्त केला होता. वुडी आणि मिया हे दोघे १९८० मध्ये रिलेशनमध्ये होते. अनेक वर्षे एकमेकांसोबत त्यांनी काम केले होते. त्यानंतर अचानकपणे वुडी यांनी सून ये प्रेविनसोबत रिलेशनमध्ये असल्याचे जाहीर केले. सून ये ही मिया हिची मुलगी आहे. वुडी यांनी सून ये बरोबरचे रिलेशन सार्वजनिक केल्यानंतर पाच वर्षानंतर या दोघांनी लग्न केले. सून ये ने अनेकदा सांगितले होते की, तिची आई मिया आणि वुडी अॅलेन जरी एकमेकांशी रिलेशनमध्ये होते. परंतु वुडी हे कधीही तिच्याशी वडिलांप्रमाणे वागले नाही. त्या दोघांमध्ये वडील आणि मुलगी असे नाते कधीच नव्हते. त्यामुळेच वुडी यांच्यावर प्रेम करणे आणि त्यांच्याशी लग्न करण्याचा निर्णय घेणे तिच्यासाठी फार मोठे नव्हते. मियाला तिचा पार्टनर वुडीच्या घरात तिची मुलगी सून ये हिचे न्यूड फोटो मिळाले तेव्हा त्या दोघांबद्दल समजले. हे सर्व समजल्यानंतर मियाने लगेचच वुडीबरोबरचे सर्व संबंध तोडून टाकले. त्यानंतर डायलनने जेव्हा वुडीवर लैंगिक शोषण केल्याचा आरोप केल्यावर मियाला आणखी एक धक्का बसला होता. वुडी यांनी या सर्व आरोपांचा इन्कार करत ते सर्व फेटाळून लावले आहेत. वुडीने सांगितले की, 'मियाने डाइनलला माझ्याविरोधात भडकावले आहे आणि त्याच्या मागे सून ये बरोबर असलेले माझे संबंध. त्यामुळेच ती माझ्याविरोधत हे सर्व कटकारस्थान रचत आहे. ' द कनेक्टिकट स्टेट अटॉर्नीनेया प्रकरणाचा तपास केला परंतु वुडीच्या विरोधात कोणतीही तक्रार नोंदवून घेतलेली नाही. त्यांनी हे प्रकरण चाईल्ड सेक्शुअल अॅब्युज क्लिनीक ऑफ येल यांच्याकडे सोपवले होते. परंतु त्यांना लैंगिक शोषणाचा कोणताही पुरावा सापडला नाही. त्यामुळे या प्रकरणी मिया फैरो हिला जबाबदार धरले आहे. दरम्यान, वुडी आणि मियाने एका मुलगा मोसेज आणि मुलगी डाइलन यांना दत्तक घेतले होते. त्याशिवाय या दोघांचा सचैल नावाचा एक मुलगा आहे. वुडीवरचे लैंगिक शोषण केल्याचे आरोप कोर्टात सिद्ध झाले नसले तरी, आपल्या तिन्ही मुलांची कस्टडी त्याच्याकडून काढून घेतली आहे.
from Marathi Bollywood News, Marathi Cinema News https://ift.tt/3yownxK
