मुंबई- छोट्या पडद्यावरील कार्यक्रम '' मधील वाद काही थांबायचं नाव घेत नाहीयेत. यापूर्वीही स्पर्धकांच्या घरची गरीब परिस्थिती दाखवत असल्याने प्रेक्षकांनी कार्यक्रमावर टीका केली होती. त्यासोबतच कार्यक्रमात पाहुणे परीक्षक म्हणून हजेरी लावणाऱ्या अमित कुमार यांनी त्यांना पैसे देऊन स्पर्धकांचं कौतुक करायला सांगितल्याचा खुलासा केला होता. त्यानंतर कार्यक्रमाचा सूत्रसंचालक याने अमित कुमार यांच्यावर निशाणा साधत त्यांची थट्टा उडवली होती. आदित्यच्या या कृत्यानंतर मात्र त्याला प्रेक्षकांनी चांगलंच धारेवर धरलं. त्यामुळे आदित्यचे वडील मुलाच्या बचावासाठी पुढे सरसावले आहेत. आदित्य अजून लहान बॉलिवूडचे लोकप्रिय गायक असलेले उदित नारायण यांनी एका वृत्त वहिनीला दिलेल्या मुलाखतीत आपली बाजू स्पष्ट करत आदित्यला सगळ्या प्रकरणाचा दोष देणं चुकीचं असल्याचं म्हटलं. उदित यांनी या प्रकरणावर त्यांचं मत मांडत म्हटलं, 'आदित्य अजून लहान आहे. त्याला इतकी समज नाहीये. त्याचा स्वभाव खेळकर आहे आणि तो भावनिकदेखील आहे. त्याच्या मनात जे आलं ते तो पटकन बोलून गेला. परंतु, या वादाबद्दल कार्यक्रमातील कोणीही काहीही बोललं नाही आणि सगळा दोष एकट्या आदित्यवर आला. आदित्य तर फक्त सूत्रसंचालन करत होता. अशात फक्त त्याला दोष देणं योग्य नाही.' अमित कुमार यांनी असं बोलणं योग्य नाही आदित्यचा बचाव करत उदित यांनी अमित यांनादेखील चुकीचं म्हटलं. ते म्हणाले, 'मी तो भाग पाहिला होता आणि मला त्या संपूर्ण भागात अमित खूप आनंदी दिसत होते. त्यांना काही आवडत नाहीये असं त्यांच्याकडे पाहून वाटलं नाही. जेव्हा तुम्ही एखाद्या कार्यक्रमात येण्यासाठी तयार होता तेव्हा बाहेर जाऊन तुम्ही अशा गोष्टी बोलणं योग्य नाही. जर मी ही गोष्ट म्हणालो तर मलादेखील आदित्यप्रमाणे या प्रकरणात ओढलं जाईल आणि ट्रोल केलं जाईल. मी अमितला भावाप्रमाणे मानतो आणि मी यासंदर्भात त्याच्यासोबतही बोलणार आहे.'
from Marathi Bollywood News, Marathi Cinema News https://ift.tt/3yAMbgR
