मुंबई: बॉलिवूड अभिनेता त्याच्या चित्रपटांपेक्षा अभिनेत्री मलायका अरोरासोबतच्या रिलेशनशिपमुळे जास्त चर्चेत असते. अर्जुन आणि मलायका अनेकदा एकत्र दिसतात. आता अर्जुन कपूरनं त्याच्या हातावर नवा टॅटू गोंदवून घेतला आहे. या टॅटूचा व्हिडीओ त्यानं सोशल मीडियावर शेअर केला आहे. पण सर्वात आश्चर्यकारक गोष्ट म्हणजे अर्जुननं हा टॅटू गर्लफ्रेंड मलायकासाठी नाही तर दुसऱ्याच एका खास व्यक्तीसाठी काढून घेतला आहे. अर्जुन कपूरनं त्याच्या इन्स्टाग्रामवर एक व्हिडीओ शेअर केला आहे. ज्यात त्याच्या हातावर एक नवा टॅटू दिसत आहे. या टॅटूमध्ये कॅपिटल A सोबतच्या पत्त्यांमधील हुकूम हे चिन्ह आहे. पण अर्जुन कपूरनं हा सुंदर टॅटू गर्लफ्रेंड मलायकासाठी नाही तर बहीण अंशुला कपूरसाठी काढून घेतला आहे. हा व्हिडीओ शेअर करताना त्यानं लिहिलं, 'ती माझा एक्का आहे. अंशुला आणि मी नेहमीच एकमेकांशी जोडलेले राहू आणि हा A सुद्धा.' दरम्यान अंशुला कपूरनंही त्याच्या या व्हिडीओवर कमेंट करत 'लव्ह यू' असं म्हटलं आहे. अर्जुन कपूरच्या कामाबद्दल बोलायचं तर तो शेवटचा 'सरदार का ग्रँडसन' आणि 'संदीप और पिंकी फरार' या चित्रपटांमध्ये दिसला होता. त्याचे दोन्ही चित्रपट ओटीटी प्लॅटफॉर्मवर रिलीज झाले आहेत. याशिवाय लवकरच तो 'भूत पुलिस' या चित्रपटात दिसणार आहे. ज्यात त्याच्यासोबत सैफ अली खान, जैकलिन फर्नांडिस आणि यामी गौतम यांच्या भूमिका आहेत. तसेच मोहित सूरी यांच्या एक व्हिलन रिटर्न्स या चित्रपटातही तो दिसणार आहे. ज्यात दिशा पाटनी, तारा सुतारीया आणि जॉन अब्राहम यांच्या मुख्य भूमिका आहेत.
from Marathi Bollywood News, Marathi Cinema News https://ift.tt/3gLxIqg
