नवी दिल्ली. वनप्लसचा नवीन स्मार्टफोन वनप्लस नॉर्ड सीई ५ जी पुढच्या आठवड्यात भारतात लॉन्च होणार आहे. परंतु लॉन्च होण्यापूर्वी कंपनीने व्हिडिओ टीझर जारी करून या आगामी डिव्हाइसची कॅमेरा माहिती शेयर केली आहे. व्हिडिओ टीझरनुसार, आगामी वनप्लस नॉर्ड सीई ५ जी ६४ एमपी मुख्य सेन्सरसह ट्रिपल रियर कॅमेरा सेटअप असेल. मात्र, इतर सेन्सरविषयी अद्याप माहिती उपलब्ध नाही. इतर वैशिष्ट्यांविषयी बोलायचे तर वापरकर्त्यांना आगामी स्मार्टफोनमध्ये क्वालकॉमचा स्नॅपड्रॅगन ७५० जी प्रोसेसर आणि पंच-होल डिस्प्ले देखील मिळू शकेल. वनप्लसने अनेक फोटो देखील शेयर केले आहेत जे आगामी वनप्लस नॉर्ड सीई ५ जी वरून क्लिक केले गेले आहेत. हे फोटो पाहता कंपनीने कॅमेरा विभागाकडे विशेष लक्ष दिले असल्याचे दिसून येते. मीडिया रिपोर्टनुसार वनप्लस नॉर्ड सीई ५ जी स्मार्टफोन ६.४३ इंच फुल एचडी प्लस एमोलेड डिस्प्लेसह येईल. त्याचा रीफ्रेश दर ९० हर्ट्झ असेल. तसेच चांगल्या परफॉर्मन्ससाठी क्वालकॉम स्नॅपड्रॅगन ७५० जी चिपसेट, ८ जीबी रॅम आणि १२८ जीबी स्टोरेज देण्यात येईल. याशिवाय फोनमध्ये ४,५०० mAh ची बॅटरी मिळू शकते, जी ३० टी वार्प चार्ज फास्ट चार्जिंगला सपोर्ट करेल. वनप्लस नॉर्ड सीई 5 जी ची अपेक्षित किंमत वनप्लसने अद्याप नॉर्ड सीई ५ जी स्मार्टफोनच्या किंमतीबद्दल कोणतीही माहिती दिलेली नाही. परंतु, जर लिक्सवर विश्वास ठेवलाच तर या डिव्हाईसची किंमत २५,००० ते ३०,००० रुपयांपर्यंत असू शकते. तसेच हा फोन अनेक रंग पर्यायांमध्ये लाँच करण्यात येऊ शकते. वनप्लस नॉर्ड स्मार्टफोन गेल्या वर्षी लाँच करण्यात आला होता. या स्मार्टफोनची किंमत २४,९९९ रुपये आहे. स्पेसिफिकेशनबद्दल सांगायचे तर , वनप्लस नॉर्ड Android १० आधारित ऑक्सीजनओएस १० ५ वर काम करते. या स्मार्टफोनमध्ये ६.४४ इंच फुल एचडी प्लस फ्लुइड एमोलेड डिस्प्ले आहे. हे डिव्हाइस स्नॅपड्रॅगन ७६५ जी प्रोसेसरसह सुसज्ज आहे. सोबतच, यात क्वाड रियर कॅमेरा सेटअप उपलब्ध असेल. यात प्रथम ४८ एमपी सोनी आयएमएक्स ५८६ सेन्सर, दुसरा ८ एमपीचा दुय्यम सेन्सर, तिसरा २ एमपी मॅक्रो शूटर आणि चौथा ५ एमपी खोलीचा सेन्सर आहे. तर, सेल्फीसाठी ड्युअल कॅमेरा सेटअप आहे. यात प्राथमिक सेन्सर ३२ एमपी सोनी आयएमएक्स ६१६ सेन्सर आणि ८ एमपीचा दुय्यम सेन्सर आहे.
from Gadget News in Marathi: Computer, Mobile, Auto News in Marathi | Maharashtra Times https://ift.tt/2T1xPWM