मुंबई : बंगाली सिनेसृष्टीतील आघाडीची अभिनेत्री आणि तृणमूल काँग्रेसची खासदार आणि तिचा नवरा यांच्यातील वाद जगजाहीर झाले आहेत. नुसरतने बुधवारी एका निवेदनाद्वारे निखिलशी झालेलं लग्न मान्य नसल्याचं जाहीर केलं तसेच त्याच्यावर अनेक आरोप केले. निखिलनेदेखील गुरुवारी निवेदन देत नुसरतने केलेले सर्व आरोप फेटाळून लावले आहेत. आमच्या दोघांमध्ये पती-पत्नीसारखेच संबंध होते, तिच्या पैशांची अफरातफर केलेली नाही असे या निवेदनात त्याने सांगितले आहे. इतकेच नाही तर गेल्या काही महिन्यांपासून आम्ही दोघे वेगळे रहात आहोत. यात नुसरत गरोदर असल्याचं म्हटलं जातं, त्याच्याशी काही संबंध नसल्याचेही निखिलने या निवेदनात नमूद केले. निखिलने निवेदनात काय म्हटले निखिल जैनने प्रसिद्ध केलेल्या निवेदनामध्ये म्हटले की, ' नुसरतवर प्रेम असल्यानेच मी तिला लग्नाची मागणी घातली. आम्ही दोघांनी जून २०१९ मध्ये तुर्कीला जाऊन लग्न केले. त्यानंतर कोलकाताला येऊन रिसेप्शन केले. आम्ही पती-पत्नीप्रमाणेच रहात होतो. समाजामध्ये देखील आम्ही नवरा-बायकोप्रमाणे वावरत होतो आणि त्याचदृष्टीने आमच्याकडे पाहिले जात होते. एका जबाबदार नवऱ्याप्रमाणे माझा संपूर्ण वेळ, पैसा आणि सर्व सामान नुसरतला दिले होते. नुसरत माझ्यासाठी किती महत्त्वाची आहे, हे माझ्या मित्रांना, परिवार सगळ्यांना माहिती होते. मी कायमच तिला पाठिंबा दिला. परंतु लग्नानंतर काही दिवसांनी तिचा आमच्या लग्नाकडे पाहण्याचा दृष्टीकोन बदलून गेला.' सिनेमाच्या चित्रीकरणामुळे आला दुरावा निखिल जैनने पुढे लिहिले आहे, 'ऑगस्ट २००० मध्ये माझी बायको नुसरतने एका सिनेमाच्या चित्रीकरणाला सुरुवात केली. त्यानंतर तिचे वागणे एकदमच बदलून गेले. या मागचे खरे कारण काय आहे, हे नुसरतलाच चांगले माहिती आहे. नवरा- बायको म्हणून रहात असताना मी अनेकदा तिला आपले लग्न रजिस्टर करून घेण्याबाबत विचारणा केली. परंतु तिने याकडे नेहमीच दुर्लक्ष केले.' नुसरतने घर सोडले '५ नोव्हेंबर २०२० मध्ये नुसरतने घर सोडले,' असे निखिलने निवेदनात म्हटले आहे. पुढे त्याने असे म्हटले आहे की, 'ज्यावेळी तिने घर सोडले तेव्हा सर्व सामान घेऊन गेली. ती दुसऱ्या घरी जाऊन राहू लागली. त्यानंतर आम्ही दोघेही कधीही नवरा- बायको म्हणून एकत्र नव्हतो. तिचे जे काही सामान राहिले होते, ते देखील नंतर पाठवून देण्यात आले. त्यामध्ये आयटी रिटर्नचे पेपरसुद्धा होते. तिने जे काही आरोप माझ्यावर मीडियामधून केलेत ते ऐकून मी खूपच त्रस्त झालो. ते सगळे ऐकून मला फसवण्यात आल्याचे लक्षात आले. त्यानंतर ८ मार्च २०२१ ला मी नुसरतच्या विरोधात अलीपोर कोर्टामध्ये एक सिविल सूट दाखल केली. त्यामध्ये आमचे लग्न रद्द केले जावे असे म्हटले आहे.' नुसरतचे सर्व दावे फेटाळले पैशांच्या देवाण घेवाण प्रकणावरही निखिलने त्याची बाजू मांडली आहे. त्याने म्हटले आहे, 'मी तिच्या परवानगी शिवाय पैसा घेतलेले नाही.' निखिलने सांगितले, नुसरतने घरासाठी कर्ज घेतले होते. लग्नानंतर तिचा आर्थिक भार कमी करण्यासाठी तिला मदत केली. हे आर्थिक व्यवहार करताना आमचे असे ठरले होते की, जसे तिच्याकडे पैसे येतील तसे ती पैसे परत करेल. तेच पैसे तिच्या खात्यातून निखिलच्या कुटुंबाच्या खात्यामध्ये ट्रान्सफर करण्यात आले. निखिलने पुढे सांगितले, त्याशिवाय नुसरतने त्याच्या आणि त्याच्या कुटुंबाच्या बँक खात्यामध्ये पैसे दिलेले नाहीत. त्यामुळे नुसरतने पैशांचे जे आरोप केले ते पूर्णपणे निराधार आहेत. निखिलच्या मते तिच्या बँक स्टेटमेंट हा याबाबतचा ठोस पुरावा आहे. निखिलने या निवेदनात मीडियाला आवाहन केले आहे की, त्याच्या संदर्भात काहीही चुकीची माहिती लिहिली जाऊ नये अथवा दाखवली जाऊ नये. नुसरतने केले होते हे आरोप नुसरतने बुधवारी प्रसिद्ध केलेल्या निवेदनानुसार, निखिलबरोबर झालेलं लग्न पूर्णपणे बेकायदा आणि अवैध असल्याचे सांगितले. तसेच ती निखिलपासून वेगळी रहात असल्याचेही तिने सांगितले. तिने निखिलचे नाव न घेता त्याच्यावर आर्थिक गैरव्यवहार केल्याचा आरोप केला. तसेच भारतामधील विवाह नोंदणी कायद्यानुसार त्यांचे लग्न अवैध असल्याचेही नुसरतने सांगितले. भारतामध्ये दोन भिन्न धर्माच्या व्यक्तींचे लग्न विशेष विवाह कायद्यांतर्गंत केले जाते आणि त्यानंतर त्याची नोंदणी केली जाते. जे या दोघांच्या लग्नाबाबत झालेले नाही. त्यामुळे भारतीय कायद्यानुसार हे लग्न बेकायदा आणि अवैध असल्याचा दावा नुसरतने केला. तसेच हे नाते लिव इन रिलेशनसारखे असल्याने घटस्फोट घेण्याचा प्रश्नच येत नसल्याचेही नुसरतने निवेदनात नमूद केले. प्रेग्नंसीची बातमी आली बांग्लादेशी लेखिका तस्लीमा नसरीन यांनी काही दिवसांपूर्वी खासदार नुसरत जहां गरोदर असल्याबद्दल लिहिले होते. यासोबतच तिच्या आणि निखिलच्या नात्यांबद्दल एक फेसबुकवर पोस्टही केली होती. त्यानंतर नुसरतचे वैवाहिक आयुष्य आणि ती गरोदर असण्यावरून चर्चा सुरू झाली. मीडिया रिपोर्टनुसार नुसरत सहा महिन्यांची गरोदर आहे. अर्थात नुसरतने याबाबत काहीही वक्तव्य केलेले नाही. रिपोर्टनुसार तिच्या गरोदरपणाची माहिती तिच्या सासरच्या मंडळींना नाही. निखिल म्हणतो त्या बाळाशी माझा संबंध नाही नुसरतच्या गरोदरपणावर निखिलने मोठे खळबळजनक विधान केले आहे. निखिलच्या मते त्यांचे लग्न मोडण्याच्या स्थितीत आहे. नुसरत नोव्हेंबर २०२० पासून तिच्या आई-वडिलांसोबत बालीगंज येथील तिच्या घरी रहात आहे. त्यानंतर हे दोघे भेटलेलेदेखील नाहीत. मग अशा परिस्थितीमध्ये हे बाळ त्याचे कसे असेल?
from Marathi Bollywood News, Marathi Cinema News https://ift.tt/2SpKy5z