मुंबई : इंडियन आयडल कार्यक्रमाचे १२ वे पर्व सुरू आहे. विविध कारणांमुळे हे पर्व खूपच गाजते आहे. कार्यक्रमात रविवारी एलिमिनेशन राऊंड झाला. त्यावेळी राजस्थानचा स्पर्धक एलिमिनेट झाला आहे. अंजली गायकवाडचे एलिमिनेशन झाल्यानंतर सवाईही कार्यक्रमातून बाहेर पडल्याने सर्वांना मोठा धक्का बसला आहे. च्या रविवारी प्रसारित झालेल्या भागाच्या शेवटी आदित्य नारायणने सर्वात कमी मते मिळालेल्या स्पर्धकांच्या नावाची घोषणा केली तेव्हा त्यामध्ये सवाई भट्ट आणि पवनदीप यांची नावे होती. त्यामध्ये सवाईला खूपच कमी मते मिळाल्याने त्याला कार्यक्रमाच्या बाहेर जावे लागले. इंडियन आयडलच्या स्पर्धेतून बाहेर पडल्यानंतर सवाईने मनोगत व्यक्त करताना कार्यक्रमाचे आभार मानले. सवाई पुढे म्हणाला, 'इतका मोठा मंच आणि त्यावर येण्याची संधी मिळणे हे माझ्यासाठी मोठी गोष्ट आहे. या मंचावर येऊन गाणे हे अनेकांसाठी स्वप्न असते. या मंचावर येऊन मला खूप काही गोष्टी नव्याने शिकता आल्या. मी आज जरी स्पर्धेबाहेर गेलो असलो तरी मी हार मानलेली नाही. मी नक्की परत येणार.' त्याचे सकारात्मक विचार पाहून सर्व परीक्षकांनीही त्याचे कौतुक केले. सोनू कक्करने सांगितले की, सवाई तिचा सर्वात आवडता स्पर्धक आहे. त्यांच्या गाण्याला शास्त्रीय संगीताचा बाज आहे. इतकेच नाही तर तिने सवाईला तिच्यासोबत एखाद्या म्युझिक अल्बममध्ये गायला आवडेल का असे विचारले. त्यावर सवाईनेही आपल्यासाठी आनंदाची गोष्ट असेल, असे उत्तर दिले. राजस्थानचा आहे सवाई इंडियन आयडल १२ कार्यक्रमात स्पर्धक म्हणून सहभागी झालेल्या सवाईने अनेकदा राजस्थानी लोकसंगीत सादर केले. सवाईच्या गायनाला अनु मलिक, रेखा, कुमार सानू, नेहा कक्कर यांनी भरभरून दाद दिली होती. तसेच कार्यक्रमात पाहुणे म्हणून आलेल्या अनेक मान्यवरांनीदेखील सवाईचे कौतुक केले होते. कोण आहे सवाई भट्ट सवाई हा राजस्थानमधील नागौर येथील आहे. त्याचे वडील कठपुतळीच्या खेळ करत कुटुंबाचा उदरनिर्वाह करतात. सवाईचे कुटुंब तंबूमध्ये वास्तव्य करते. अत्यंत हालाखीच्या परिस्थितीमुळे सवाईला संगीताचे शिक्षण घेता आले नाही. परंतु संगीताच्या क्षेत्रात काही तरी करून दाखवण्याचे त्याचे स्वप्न आहे. हे स्वप्न काही अंशी इंडियन आयडल १२ या कार्यक्रमात येऊन पूर्ण झाले. परंतु ही स्पर्धा जिंकण्याचे त्याचे स्वप्न मात्र अपुरेच राहिले आहे.
from Marathi Bollywood News, Marathi Cinema News https://ift.tt/3zKM0Ab
