वृत्तसंस्था, नवी दिल्ली मोबाइल क्रमांक ‘आधार कार्ड’शी जोडण्यासाठी आता ‘आधार केंद्रां’मध्ये जाण्याची आवश्यकता भासणार नाही. कारण, आता हे काम घरबसल्या पोस्टमनच्या माध्यमातून होणार आहे. ‘इंडिया पोस्ट पेमेंट बँक’ (आयपीपीबी) आणि ‘युनिक आयडेंटिफिकेशन ऑथोरिटी ऑफ इंडिया’ (यूआयडीएआय) यांनी त्यासाठी नुकताच करार केला आहे. त्यानुसार मोबाइल क्रमांक ‘आधार कार्ड’ला जोडण्याची प्रक्रिया पोस्टमन पूर्ण करणार आहेत. वाचाः देशातील ६५०हून अधिक ‘पोस्ट पेमेंट बँके’च्या शाखांमधील १.४६ लाख पोस्टमन आणि ग्रामीण डाक सेवक (जीडीएस) ही सुविधा घरपोच उपलब्ध करून देणार आहेत. त्यासाठी पोस्टमनना स्मार्टफोन देण्यात येणार आहेत. त्यामुळे टपाल विभागाचे कामही आता हायटेक होणार आहे. या स्मार्टफोनमध्ये विशेष सॉफ्टवेअर असून, त्याच्या आधारे ‘आधार कार्ड’शी मोबाइल क्रमांक जोडण्यात येणार आहे. त्यासाठी पोस्टमनना विशेष प्रशिक्षणही देण्यात आले आहे. वाचाः हल्ली कोणत्याही कामासाठी ‘आधार कार्डा’शिवाय पान हलत नाही. कोणत्याही सरकारी सेवेचा लाभ घेण्यासाठी, नवीन सीमकार्ड घेण्यासाठी, बँकेत खाते उघडण्यासाठी, प्राप्तिकर विवरणपत्र भरण्यासाठी किंवा ‘ईपीएफ’ खात्यातून रक्कम काढण्यासाठी ‘आधार कार्ड’ असणे अनिवार्य झाले आहे. वरीलपैकी बहुतांश सेवांचा लाभ घेण्यासाठी ‘आधार कार्ड’ला जोडण्यात आलेल्या मोबाइल क्रमांकावर ‘ओटीपी’ प्राप्त होतो. या ‘ओटीपी’च्या मदतीने अनेक कामे सोपी होतात. वाचाः सध्या ‘आधार कार्ड’ला मोबाइल जोडण्यासाठी नजीकच्या ‘आधार सेवा केंद्रा’वर जाण्याची आवश्यकता भासते. तेथे गेल्यावर एक फॉर्म आणि किमान ५० रुपयांचे शुल्क भरावे लागते. त्यासाठी कोणत्याही कागदपत्रांची आवश्यकता भासत नाही. ३१ मार्च २०२१पर्यंत एकूण लोकसंख्येपैकी १२८.९९ कोटी ‘आधार कार्ड’ जारी करण्यात आले आहेत. वाचाः ‘लहान मुलांचीही नोंदणी होणार’ ‘इंडिया पोस्ट पेमेंट बँके’चे व्यवस्थापकीय संचालक आणि सीईओ जे. व्यंकटराजू यांनी दिलेल्या माहितीनुसार टपाल खात्याचे देशव्यापी जाळे, पोस्टमन आणि ग्रामीण डाक सेवक यांच्या मदतीने ज्या भागांमध्ये अद्याप बँकाही पोहोचललेल्या नाहीत, तेथेही मोबाइल क्रमांक आधार कार्डाला जोडण्याची सेवा देणे शक्य होणार आहे. सध्या केवळ मोबाइल क्रमांक अपडेट करण्यापुरतीच ही सेवा आहे. लवकरच लहान मुलांचेही आधार कार्ड देण्याची प्रक्रिया सुरू होणार आहे. वाचाः १.४६ लाख पोस्टमनची संख्या १२८.९९ कोटी ‘आधार कार्ड’ जारी ६५० ‘पोस्ट पेमेंट बँके’च्या शाखा
from Gadget News in Marathi: Computer, Mobile, Auto News in Marathi | Maharashtra Times https://ift.tt/3ixCqJn
