मुंबई : अफगणिस्तानावर तालिबान्यांनी संपूर्णपणे ताबा घेतला आहे. अफगणिस्तानचे राष्ट्रपती अशरफ गनी देश सोडून पळून गेले आहेत. त्यानंतर त्यांनी निवेदन जारी केले. त्यात त्यांनी असे नमूद केले की, देशात अधिक रक्तपात होऊ नये यासाठी त्यांनी देश सोडला आहे. त्यामुळे आता अफगणिस्तान पूर्णपणे तालिबान्यांच्या अधिपत्याखाली गेले असून देशामध्ये दहशतीचे वातावरण पसरले आहे. नागरिक स्वतःचा जीव वाचवण्यासाठी सैरावैरा पळत आहेत. काबुल विमानतळावरील व्हिडिओ, फोटो सोशल मीडियावर व्हायरल झाले आहेत. अफगणिस्तानमधील या परिस्थितीवर बॉलिवूडमधील अनेक कलाकारांनी चिंता व्यक्त केली आहे. त्यामध्ये आता अभिनेत्री ने देखील तिचे मत व्यक्त केले आहे. कंगनाने तिच्या इन्स्टाग्राम अकाऊंटवरून एक ब्रेकिंग न्यूजचा फोटो शेअर केला आहे. हा फोटो शेअर करत तिने लिहिले की, 'आज आपण सर्वजण हे शांतपणे बघत बसलो आहोत. परंतु हे कदाचित उद्या आपल्यासोबतही घडू शकते.' अफगणिस्तानमधील सर्व हिंदू नागरिकांना केंद्र सरकार भारतात आणणार असल्याची बातमी देखील तिने शेअर केली आहे. या बातमीवर कंगनाने म्हटेल आहे की, ' बरे झाली मी सीएएसाठी संघर्ष केला. मी संपूर्ण जगाला वाचवू इच्छिते परंतु याची सुरुवात मला माझ्या घरापासूनच करावी लागेल.' याबरोबर कंगनाने आणखी एक स्टोरी पोस्ट केली. ही स्टोरी पोस्ट करताना तिने लिहिले की, ' हे खरे आही अफगणिस्तानला आपल्या मदतीची गरज आहे. ते सारे ड्रामेबाज पॅलेस्टाइन मुसलमानांसाठी अश्रू ढाळत होते तेच आता अफगणिस्तानमधील मुसलमान मरत असल्याचा आनंद व्यक्त करत आहेत. मी भारत सरकारला धन्यवाद देऊ इच्छिते की त्यांनी सीएए आणण्याची आशा दाखवली आहे. देशातील सर्व हिंदू, शीख, जैन, ख्रिश्चन,बौद्ध, पारसी आणि शेजारील मुस्लिम देशातील इतर धर्मातील नागरिकांना राहण्यासाठी जागा मिळेल. आज आपण संपूर्ण अफगणिस्तानला वाचवू शकतो परंतु त्याची सुरुवात स्वतःच्या घरापासून व्हायला हवी. मी अफगणिस्तानसाठी प्रार्थना करते.' यासोबतच कंगनाने आणखी काही फोटो पोस्ट करत अनेक गोष्टी लिहिल्या आहेत. तिने लिहिले आहे, 'तुम्हाला माहिती आहे का अफगणिस्तानदेखील एक हिंदू आणि बौद्ध राष्ट्र होते. ते मुस्लिम राष्ट्र कसे झाले?' यासोबत तिने असेही लिहिले की, लक्षात ठेवा पाकिस्तान अमेरिकेचे गोडवे गातो आणि अमेरिका त्यांना हत्यारं पुरवतो. तालिबानी आपल्या किती जवळ आले आहे ते बघा. हे उद्या आपल्यासोबतही घडू शकते परंतु आपल्यासोबत मोदीजी आहेत. त्यामुळे चिंता करण्याची गरज नाही.' कंगनाने अफगणिस्तानमधील परिस्थितीवर चिंता व्यक्त करत अनेक व्हिडिओ शेअर केले आहेत. कंगनाशिवाय अनेक कलाकारांनी अफगणिस्तानमधील परिस्थितीबाबत चिंता व्यक्त केली आहे.
from Marathi Bollywood News, Marathi Cinema News https://ift.tt/3k08KoR
