मुंबई: भारतीय क्रिकेट कर्णधार आणि या जोडीचे फक्त भारतातच नाही तर जगभरात चाहते आहेत. विराटही अनुष्कावरील प्रेम व्यक्त करण्याची कोणतीही संधी सोडत नाही. नुकताच इंग्लंड कसोटी सामन्यांच्या आधी दिनेश कार्तिकला दिलेल्या मुलाखतीत विराट कोहलीनं अनुष्का शर्माचा उल्लेख केला. 'जीवनात मी आज जे काही आहे त्याचं सर्व श्रेय केवळ अनुष्काला जातं.' असं त्यानं या मुलाखतीत म्हटलं. दिनेश कार्तिकनं घेतलेल्या या मुलाखतीत त्याने विराट कोहलीला अनुष्कासोबतच्या पहिल्या भेटीबद्दल विचारलं. दिनेशनं यावेळी शॅम्पू-ब्रँडच्या जाहिरातीचा उल्लेख केला होता ज्यासाठी विराट आणि अनुष्का पहिल्यांदा भेटले होते. यासोबतच दिनेशनं हे देखील विचारलं की, त्यावेळी विराटचे जोक्स अनुष्काला आवडले होते का? यावर उत्तर देताना विराटनं अनुष्काबद्दल भरभरून बोलला. विराटच्या आयुष्यातील अनुष्काचं महत्त्व, तिला भेटण्याआधी तो कसा होता आणि आज त्या किती यश मिळवलं आहे. आज स्वतःकडे पाहिल्यावर जे काही आहे ते सर्व अनुष्कामुळे आहे असं विराटला वाटतं. ती अनुष्काच आहे जिने विराटला एक उत्तम व्यक्ती म्हणून घडण्यास मदत केली. असं विराटचं म्हणणं आहे. इंग्लड दौऱ्यासाठी विराटसोबत अनुष्का शर्मा आणि त्यांची ६ महिन्यांची मुलगी वामिका देखील आहे. दरम्यान दोघंही सोशल मीडियावर इथले फोटो शेअर करत असतात. वामिका ६ महिन्यांची झाल्यानंतर अनुष्का शर्मानं तिचे काही क्यूट फोटो सोशल मीडियावर शेअर केले होते. ज्याची बरीच चर्चाही झाली होती. मात्र विराट आणि अनुष्कानं त्यांच्या मुलीचा चेहरा मात्र अद्याप चाहत्यांना दाखवलेला नाही.
from Marathi Bollywood News, Marathi Cinema News https://ift.tt/3jsexTM
