मुंबई- मराठमोळी अभिनेत्री आणि यूट्यूबर आई झाली आहे. गेले नऊ महिने उर्मिला ज्या क्षणाची वाट पाहत होती, तो क्षण अखेर तिच्या आयुष्यात आला. ३ ऑगस्ट रोजी उर्मिलाने गोंडस बाळाला जन्म दिला. आपल्याला मुलगा झाल्याची गोड बातमी उर्मिलाने सोशल मीडियाच्या माध्यमातून चाहत्यांसोबत शेअर केली आहे. इन्स्टाग्रामवर पोस्ट करत उर्मिलाने तिचा आनंद सगळ्यांसोबत शेअर केला. चिमुकल्या पाहुण्याच्या येण्याने आपलं आयुष्य बदलणार असल्याचं उर्मिलाने या पोस्टमध्ये म्हटलं आहे. काही वेळापूर्वीच उर्मिलाने इन्स्टाग्रामवर पोस्ट करत लिहिलं, 'वडिलांवर, भावावर, सासऱ्यांवर आणि सगळ्यात जास्त चुकलं म्हणजे नवऱ्यावर सुकिर्त गुमास्ते यांच्यावर अती प्रेम असलं की, रंगभूमीपेक्षा जास्त नाट्य निर्मिती खऱ्या आयुष्यात होऊन हिरोची एण्ट्री होते. माझ्या आयुष्यात ३ ऑगस्टला सकाळी हिरोची एण्ट्री झालीये. #blessedwithbabyboy #Babyboy #newmomlife' अशी पोस्ट लिहून उर्मिलाने आपल्या बाळाच्या आगमनाची बातमी दिली आहे. उर्मिलाच्या या पोस्टवर स्वप्नील जोशी, जुई गडकरी यांसारख्या अनेक कलाकारांनी प्रतिक्रिया देत तिला शुभेच्छा दिल्या आहेत. चाहत्यांनीही उर्मिलाच्या पोस्टवर शुभेच्छांचा वर्षाव केला आहे. काही दिवसांपूर्वीच उर्मिलाने तिच्या डोहाळे जेवणाचा व्हिडीओ चाहत्यांसोबत शेअर केला होता. राजेशाही थाटात झालेल्या या डोहाळे जेवणाचा व्हिडीओ चाहत्यांना प्रचंड पसंत पडला होता. त्यापूर्वी नऊ महिने आपल्या गर्भारपणाचा उर्मिलाने पुरेपूर आनंद घेतला होता. त्यावरून सोशल मीडियावर तिला ट्रोलही करण्यात आलं होतं. परंतु, उर्मिलानेही सडेतोड उत्तर देत ट्रोलर्सचं तोंड बंद केलं होतं.
from Marathi Bollywood News, Marathi Cinema News https://ift.tt/37j2bry
