मुंबई : बॉलिवूडमधील प्रसिद्ध अभिनेता याचा आज वाढदिवस. सैफचा जन्म १६ ऑगस्ट रोजी १९७० रोजी दिल्लीमध्ये झाला. सैफच्या अभिनयातील करfअरची सुरुवात यश चोप्रा यांनी निर्मिती केलेल्या 'परंपरा' सिनेमातून झाली. हा सिनेमा १९९३ मध्ये रिलीज झाला होता. परंतु सैफला खरी ओळख मिळाली ती 'दिल लगी' आणि 'मैं खिलाडी तू अनाडी' सिनेमातून. त्यानंतर ९० च्या दशकामध्ये त्याच्या सिनेमांना फारसे यश मिळाले नाही. परंतु २००१ मध्ये प्रसिद्ध झालेल्या 'दिल चाहता है' आणि २००३ मध्ये आलेल्या 'कल हो ना हो' या सिनेमांमुळे सैफला प्रचंड लोकप्रियता मिळाली. सैफ अली खान पतौडी घराण्याचा वारसदार आहे. त्यामुळे तो तोंडात सोन्याचा चमचा घेऊन जन्माला आला असे म्हटले तरी वावगे ठरू नये. पतौडी घराण्याच्या छोटे नबाब अर्थात सैफ अली खान हा या घराण्याचा १० वा नबाब आहे. त्याची संपत्ती जवळपास १५ कोटी डॉलर म्हणजे जवळपास १ हजार १२० कोटी रुपये इतकी आहे. काही बातम्यांनुसार सैफच्या संपत्तीमध्ये गेल्या काही वर्षांमध्ये ७० टक्के वाढ झाली आहे. त्यामध्ये त्याची ब्रँड एंडोर्समेंट, सिनेमे आणि काही खासगी गुंतवणुकीचा समावेश आहे. काही रिपोर्टनुसार सैफची महिन्याची कमाई ३ कोटी रुपयांहून अधिक आहे. तर वार्षिक कमाई ३० कोटींहून जास्त आहे. सैफ अभिनयाव्यतिरीक्त निर्मातादेखील आहे. सैफला जाहिरातींमधूनही चांगली कमाई होते. या सर्वांसोबत सैफने सामाजिक बांधलकी देखील जपली असून तो अनेक सामाजिक संस्थांना आर्थिक मदत करत असतो. सर्वाधिक आयकर भरणाऱ्या कलाकारांच्या यादीतही त्याचा समावेश होतो. देशातील प्रमुख शहरांमधील मोक्याच्या ठिकाणी सैफची प्रॉपर्टी आहे. सैफचा वांद्रे येथे बंगला असून त्याची किंमत कोटींच्या घरात आहे. याशिवाय मुंबईत सैफचे आणखी दोन आलिशान बंगले असून त्याचे डिझाईन ऑस्ट्रेलियन आर्किटेक्टने केले आहे. मुंबईमध्ये सैफचे ग्रँड रेसिडन्सी हॉटेलजवळील एका इमारतीमध्ये आलिशान अपार्टमेंट आहे. सध्या तो या ठिकाणी करिना कपूर आणि त्याच्या दोन्ही मुलांसोबत रहातो. याशिवाय त्याचा वडिलोपार्जित असा आलिशान पतौडी पॅलेस हरियाणा येथील पतौडी गावात आहे. या पॅलेसमध्ये अत्याधुनिक अशा सोयी सुविधा असून त्याची किंमत ८०० कोटींहून अधिक आहे. या पतौडी पॅलेसमध्ये मोठे हॉल आणि मोठे गार्डन आहे. केवळ भारतातच नाही तर परदेशातही सैफची प्रॉपर्टी आहे. सैफचे स्वित्झर्लंडमध्ये हॉलिडे होमही आहे. सैफला गाड्यांची फार आवड आहे. त्याच्या गाड्यांच्या ताफ्यामध्ये ऑडी, बीएमडब्ल्यू ७ सीरिज, लेक्सस ४७०, मस्टांग, रेंज रोवर, लँड क्रूझर यांसारख्या आलिशान गाड्या आहेत. या प्रत्येक गाडीची किंमत ५० लाख ते २ कोटी रुपये इतकी आहे. त्याशिवाय त्याच्याकडे हार्ले डेविडसन आयर्न ८८३ ही दुचाकी देखील आहे. त्याची किंमत ९.८८ लाख इतकी आहे.
from Marathi Bollywood News, Marathi Cinema News https://ift.tt/3CQV1ti
