मुंबई : छोट्या पडद्यावर मालिकांबरोबरच 'बिग बॉस' हा कार्यक्रम प्रेक्षक आवडीने पाहतात. या कार्यक्रमात भांडणं, वाद, एकमेकांवरील कुरघोडी तर कधी भावनिक प्रसंग, घटना असा मसाला असतो. त्यामुळे हा कार्यक्रम अनेकदा वादग्रस्त ठरतो. तरी देखील हा कार्यक्रम लोकप्रिय आहे. केवळ हिंदीतच नाही तर मराठीतही बिग बॉस कार्यक्रम आवडीने पाहिला जातो. बिग बॉस मराठीचे तिसऱ्या पर्वाचा ग्रँड प्रिमिअर रविवारी म्हणजे १९ सप्टेंबर रोजी होणार आहे. यानंतर दररोज कलर्स मराठी वाहिनीवर रात्री ९.३० वाजता हा कार्यक्रम पाहता येणार आहे. वूट या ओटीटी अॅपवर सबस्क्रायबर दोन तास आधी म्हणजे संध्याकाळी ७ वाजता कार्यक्रम पाहू शकतील. चे दोन नवे कोरे प्रोमो वाहिनीने सोशल मीडियावर शेअर केले आहेत. प्रोमोत कार्यक्रमात सहभागी होणाऱ्या दोन स्पर्धकांनी दमदार एण्ट्री दाखवण्यात आली आहे. असं जरी असलं तरी प्रोमोत दाखवण्यात आलेले आणि कार्यक्रमात सहभागी होणारे इतर स्पर्धक नेमके कोण आहेत, याबाबत वाहिनीने कमालीची गुप्तता बाळगली आहे. त्यामुळेच स्पर्धकांबद्दलची प्रेक्षकांची उत्सुकता ताणली गेली आहे. बिग बॉस मराठी ३ चा पहिला प्रोमो निर्मात्यांनी शेअर केला आहे. प्रोमोला कॅप्शन देताना त्यांनी लिहिले की, 'तमाम पोरींच्या काळजाची धडधड आता वाढणार... जेव्हा 'त्याची' एण्ट्री होणार...पाहा #BiggBossMarathi3 हा प्रोमोमध्ये एका फॅन्सी बाईकवर बसून अभिनेता ग्रँड एण्ट्री घेताना दिसत आहे. प्रोमो पाहिल्यानंतर प्रेक्षकांनी आणि सोशल मीडियावरील युझर्सनी प्रोमोमध्ये दिसणारा कलाकार कोण आहे, याबद्दल अंदाज व्यक्त करायला सुरुवात केली. काहींच्या मते तो चिन्मय उदगीरकर आहे तर काहींच्या मते अक्षय वाघमारे.काही युझर्सनी तर गश्मीर महाजनी, नितीश चव्हाण असल्याचा अंदाज व्यक्त केला. याच कार्यक्रमाचा दुसरा प्रोमो ही रिलीज झाला आहे. हा प्रोमो रिलीज करताना निर्मात्यांनी म्हटले आहे की, ' तिच्या अदा हटके... तिची चाल काळजाचा ठोका चुकवे... कोण असेल ती? पाहा #BiggBossMarathi3 बिग बॉस मराठी ३ चा हा दुसरा प्रोमो पाहिल्यानंतर प्रेक्षकांनी या व्हिडिओमध्ये दिसणारी अभिनेत्री कोण असेल याचा अंदाज व्यक्त करायला सुरुवात केली आहे. काहींनी ही अक्षया देवधर असे म्हले आहे तर काही युझर्सनी ही अभिनेत्री देवमाणूस मालिकेतील नेहा खान असल्याची शक्यता वर्तवली आहे.
from Marathi Bollywood News, Marathi Cinema News https://ift.tt/3hEl6m4
