नवी दिल्ली : गेल्या अनेक दिवसांपासून चर्चेत असलेल्या नोकियाचा नवीन Nokia T20 लवकरच लाँच करणार आहे. आता कंपनीच्या नवीन टॅबलेटला मॉडेल नंबर TA-१३९४ सह चीनची सर्टिफिकेशन वेबसाइट CQC वर लिस्ट करण्यात आले आहे. यावरून टॅबलेट लवकरच लाँच होण्याची शक्यता आहे. वाचा: याआधी देखील नोकियाच्या टॅबलेटला मॉडेल नंबर टीए-१३९२ आणि टीए-१३९७ सह UAE आणि UK च्या रिटेलर वेबसाइटवर लिस्ट करण्यात आले होते. याच मॉडेल नंबरसह टॅबलेटला जुलै महिन्यात यूरेशियन इकोनॉमिक कमिशनकडून सर्टिफिकेशन मिळाले होते. CQC लिस्टिंगवरून मिळालेल्या माहितीनुसार, टी२० टॅबलेट १- वॉट फास्ट चार्जिंगसोबत येईल. टॅबलेटमध्ये Unisoc प्रोसेसर आणि ग्राफिक्ससाठी माली-G५२ GPU दिले जाईल. यावरून संकेत मिळतात की डिव्हाइसला Unisoc T६१८ अथवा Unisoc T७०० चिपसेटसोबत लाँच केले जाईल. नोकिया टी२० टॅबलेटला १०.३६ इंच डिस्प्लेसह लाँच केले जाण्याची शक्यता आहे. टॅबलेटमध्ये अँड्राइड ११ ओएस मिळेल. डिव्हाइसला ४ जीबी रॅम व ६४ जीबी इनबिल्ट स्टोरेजसह सादर केले जाईल. टॅबलेटला वाय-फाय आणि वाय-फाय + ४जी व्हेरिएंटमध्ये लाँच केले जाऊ शकता. वाय-फाय व्हेरिएंटची किंमत १९० यूरो आणि वाय-फाय + ४ जीबी व्हेरिएंटची किंमत २०७ यूरो असू शकते. टॅबलेट ब्लू रंगात येईल. TA-१३९९ मॉडेल नंबरसह नवीन नोकिया फोनला देखील CQC सर्टिफिकेशनवर लिस्ट करण्यात आले आहे. लिस्टिंगवरून मिळालेल्या माहितीनुसार, फोनसोबत १८ वॉट चार्जर मिळेल. सध्या डिव्हाइसच्या नावाबाबत माहिती देण्यात आलेली नाही. दरम्यान, काही दिवसांपूर्वीच स्मार्टफोनला TENNA सर्टिफिकेशन साइटवर स्पेसिफिकेशन्स आणि फोटोसोबत लिस्ट करण्यात आले होते. एचएमडी ग्लोबल लवकरच चीनमध्ये नोकिया टी२० टॅबलेट, टीए-१३९९ नोकिया फोन आणि नोकिया जी५० ५जी ला लाँच करू शकते. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3ChJ8eL
