गौरी आंबेडकर, एसएनडीटी विद्यापीठ 'महाराष्ट्राची लोकधारा', 'जय जय महाराष्ट्र' कानावर पडता क्षणी सगळ्यांनाच दिवंगत आठवतात. पुढच्या वर्षी ३ सप्टेंबर २०२२ रोजी शाहीर साबळे यांचं जन्मशताब्दी वर्ष सुरू होणार आहे. जन्मशताब्दी वर्षात त्यांना अभिवादन म्हणून त्यांच्या जीवनकार्याचा वेध '' या चित्रपटातून घेतला जाणार आहे. चित्रपटाचं दिग्दर्शन त्यांचा नातू लोकप्रिय दिग्दर्शक करणार असून पटकथा आणि संवाद प्रतिमा कुलकर्णी यांचे आहेत. ३ सप्टेंबर १९२३ या दिवशी साताऱ्याजवळील पसरणी गावात त्यांचा जन्म झाला. त्यांचं शिक्षण जेमतेम सातवीपर्यंत झालं. त्याचे वडील भजनं गायचे. लहानपणापासूनच त्याच्यावर संगीताचे संस्कार झाले आणि त्याच्यातील कलावंताच्या जडणघडणीची सुरुवात झाली आणि नंतर महाराष्ट्राच्या लोककला क्षेत्रातील हे महत्त्वाचं नाव ठरलं. शाहिरांचा बालवयापासूनच सामाजिक चळवळींशी जवळून संबंध होता. साने गुरुजी, सेनापती बापट, क्रांतिसिंह नाना पाटील यांचा सहवास त्यांना लाभला होता. १९४२ची चले जाव चळवळ, स्वातंत्र्यानंतर गोवा आणि हैदराबाद मुक्तीसंग्राम यामध्ये त्यांचा सक्रिय सहभाग होता. 'संयुक्त महाराष्ट्र चळवळीची तोफ' असं शाहिरांना संबोधलं जायचं. समाजातील त्रुटींवर अचूक बोट ठेवून त्यांच्या प्रहसनांमधून त्यावर भाष्य केलं जायचं. रंगभूमीवर मोबाइल थिएटरचा पहिला प्रयोग शाहिरांनी केला. महाराष्ट्रभर फिरून सगळी लोकगीतं संकलित केली. 'तमाशा' या लोककला प्रकाराला आधुनिक नाटकाशी जोडलं, 'मुक्तनाट्य' हा नवा प्रकार सुरू केला. 'पद्मश्री', 'महाराष्ट्र गौरव' असे अनेक सन्माननीय पुरस्कार शाहिरांना प्रदान करण्यात आले आहेत. शाहीर साबळे या अलौकिक व्यक्तिमत्त्वावर जीवनपट साकारला जाणार आहे. केदार शिंदे या चित्रपटावर गेली अडीच वर्षं काम करत आहेत. 'जय जय महाराष्ट्र माझा', 'जेजुरीच्या खंडेराया', 'या गो दांड्यावरून' ही शाहिरांची अजरामर गाणी चित्रपटात असणार आहेत. चित्रपटातील व्यक्तिरेखांबाबत ते म्हणाले, 'नव्या दमाच्या कलाकारांबरोबर काम करण्याची मला इच्छा आहे. चेहरेपट्टी, दिसण्यातील साम्य यापलीकडे जाऊन शाहिरांचे विचार, भावना, त्यांचं मन, आत्मा समजून काम करू इच्छिणाऱ्या कलाकारांच्या मी शोधात आहे.' यशाच्या शिखरावर पोहोचल्यावर खूप कौतुक होतं. पण शाहिरांचा यश मिळवण्यापर्यंतचा प्रवास कसा होता?, त्यांचं निवृत्तीनंतरचं जीवन कसं होतं? असे सगळे कंगोरे या जीवनपटातून उलगडले जाणार आहेत. मानाचा मुजरा शाहीर साबळे यांना खूप जवळून बघण्याचं, अनुभवण्याचं भाग्य मला लाभलं. एका कलावंताच्या जीवनाला अनेक पदर असतात. शाहीर साबळे यांच्या कारकिर्दीतील विविध टप्पे 'महाराष्ट्र शाहीर' या त्यांच्या जीवनपटात पाहायला मिळतील. लोककला, लोकनाट्य, लोकसंगीत चंदेरी पडद्यावरून प्रेक्षकांच्या भेटीला येणार आहे. एक नातू, कलावंत आणि माणूस म्हणून शाहीरांना माझा मानाचा मुजरा आहे. -केदार शिंदे, दिग्दर्शक
from Marathi Bollywood News, Marathi Cinema News https://ift.tt/3mVd1wZ
