मुंबई- बॉलिवूड अभिनेता जिथेही जातो तिथे चाहते त्याला पाहण्यासाठी गर्दी करतात. त्याची लोकप्रियता इतकी आहे की सलमानला पाहण्यासाठी चाहते स्वतःच्या जीवाची देखील पर्वा करत नाहीत. सलमान हा स्वतः एक मोठा ब्रॅण्ड आहे. मग त्याने वापरलेली एखादी छोटीशी वस्तूतरी सर्वसाधारण कशी राहील. या गोष्टीचं उदाहरण म्हणजे सलमानच्या टॉवेलचा झालेला लिलाव. २००४ साली प्रदर्शित झालेल्या '' चित्रपटातील सलमानने वापरलेल्या टॉवेलचा नुकताच लिलाव करण्यात आला आहे. लिलावाची किंमत ऐकून सगळ्यांनाच आश्चर्य वाटलं आहे. 'मुझसे शादी करोगी' चित्रपटाच्या सुरुवातीला सलमान 'जीने के है चार दिन' या गाण्यावर नृत्य करताना दिसतो. गाण्यात सलमानचा तुफानी डान्स तर सगळ्यांच्या लक्षात असेलच. पण या गाण्यात सलमानने वापरलेला टॉवेल आठवतोय का? हा टॉवेल घेऊन सलमानने केलेली एक स्टेप चाहत्यांमध्ये प्रचंड गाजली होती. त्याच टॉवेलचा आता लिलाव करण्यात आला आहे. हा टॉवेल थोड्याथोडक्या नव्हे तर तब्बल १ लाख ४२ हजारांना विकला गेला आहे. यावरून सलमानच्या चाहत्यांमधील लोकप्रियतेचा अंदाज येतो. सलमानचे चाहते त्याच्यासाठी काहीही करू शकतात हे पुन्हा एकदा सिद्ध झालं आहे. 'मुझसे शादी करोगी' चित्रपट साजिद नाडियाडवाला यांची निर्मिती होती. या चित्रपटात सलमानसोबत अभिनेत्री प्रियांका चोप्रा आणि अक्षय कुमार, अमरीश पुरी, कादर खान, सतीश शाह आणि राजपाल यादव देखील मुख्य भूमिकेत होते. सलमान लवकरच 'टायगर ३' मध्ये झळकणार आहे. सध्या सलमान या चित्रपटाच्या चित्रीकरणासाठी कतरिना कैफ सोबत रुस येथे आहे.
from Marathi Bollywood News, Marathi Cinema News https://ift.tt/3zPWq11