मुंबई : उत्तर प्रदेशचे मुख्यमंत्री यांनी त्यांच्या भाषणामध्ये 'अब्बाजान' असा उल्लेख केला होता. त्यावरून बॉलिवूडचे ज्येष्ठ अभिनेता यांनी तीव्र नाराजी व्यक्त केली. तसेच त्यांचे हे वक्तव्य अपमानकारक असल्याचे नमूद केले. सोशल मीडियावर उत्तर प्रदेशचे मुख्यमंत्री योगी आदित्यनाथ यांनी केलेले वक्तव्य खूपच व्हायरल झाले. त्यांनी 'अब्बाजान' हा शब्दप्रयोग केला होता. त्यानंतर सोशल मीडियावर हा शब्द ट्रेंड होऊ लागला आहे. मुख्यमंत्री आदित्य यांच्या वक्तव्यावर विविध राजकीय नेते विविध प्रतिक्रिया व्यक्त करत आहेत. नसीरुद्दीन शाह यांनी एका वृत्तवाहिनीला दिलेल्या मुलाखतीमध्ये देखील मुख्यमंत्री आदित्यनाथ यांच्या या वक्तव्याबद्दल नाराजी व्यक्त केली. त्यांनी सांगितले की, 'उत्तर प्रदेशचे मुख्यमंत्र्यांनी अब्बाजान हा शब्दप्रयोग करून जे वक्तव्य केले आहे त्यावर प्रतिक्रिया देण्यायोग्यही नाही. परंतु वास्तव हेच आहे की त्यांनी केलेले अब्बा जान या वक्तव्यामागे पुरेपुर तिरस्कार भरलेला आहे. अर्थात ते नेहमीच अशा पद्धतीने बोलतात.' काय म्हणाले होते योगी आदित्यनाथ उत्तर प्रदेशचे मुख्यमंत्री योगी आदित्यनाथ यांनी रविवारी, १२ सप्टेंबर रोजी कुशीनगरमध्ये विकास कामांचे उद्घाटन केले. यावेळी त्यांनी राज्यातील विरोधी पक्ष असलेल्या समाजवादी पक्षावर टीका केली. ते म्हणाले, ' तुम्हा सर्वांना आता रेशन मिळत आहे ना.. २०१७ मध्ये असं घडलं होतं का? तेव्हा तर अब्बाजान म्हणणाऱ्या समुदायासाठी रेशन हडप केले जायचे. पंतप्रधान नरेंद्र मोदी यांनी हा राजकीय अजेंडा पूर्णपणे बदलून टाकला. १९४७ पर्यंत जाती, क्षेत्र, धर्म, परिवार, वंश यांच्यापर्यंतच राजकारण सीमित होते. पंतप्रधान मोदी यांनी ते लहान मुलं, गरीब, महिला, तरुण वर्ग, गाव पातळीवर पोहोचवले आहे. आज त्याचा परिणाम म्हणून सर्वप्रकारच्या लोकांचा विकास होत आहे. सर्वांचा विकास होत आहे.'
from Marathi Bollywood News, Marathi Cinema News https://ift.tt/3lnHdhT
