मुंबई : भारतीय सिनेविश्वात बॉलिवूडचा आवाका खूप मोठा आहे. बॉलिवूडमध्ये दरवर्षी अनेक सिनेमे तयार होतात आणि बहुतांश सिनेमे कोट्यवधींचा व्यवसाय करतात. बॉलिवूडमध्ये काम करणारे अनेक कलाकार केवळ देशातच नाही तर परदेशातही त्यांच्या अभिनयाच्या कौशल्यामुळे ओळखले जातात. सोशल मीडियावरही कलाकारांचे मोठ्या संख्येने चाहते, फॉलोअर्स असतात. त्यामुळेच हिंदी सिनेमामध्ये केवळ भारतामधीलच नाही तर परदेशातील मुली देखील काम करायला बॉलिवूड गाठतात. आजही बॉलिवूडमधील अनेक आघाडीच्या अभिनेत्री अशा आहेत, ज्यांचा जन्म भारतात झालेला नाही. जाणून घेऊ या अशाच काही अभिनेत्रींविषयी... बॉलिवूडमधील आघाडीची अभिनेत्री म्हणून दीपिका पादुकोण ओळखली जाते. दीपिकाचा जन्म भारताबाहेर झाला आहे. दीपिकाचे वडील म्हणजे प्रकाश पादुकोण हे भारतामधील ख्यातनाम बॅडमिंटनपटू होते. ते सामन्या निमित्ताने परदेशात असायचे. अशाच एका स्पर्धेसाठी ते डेन्मार्कला गेले होते. त्यावेळी त्यांची पत्नीही सोबत होती. त्यावेळी त्या प्रेग्नंट होत्या. डेन्मार्कमध्येच दीपिकाचा जन्म झाला. नोरा आज बॉलिवूडमधील सर्वात सुंदर आणि कुशल नृत्यांगना म्हणून ओळखली जाते. नोरा ही मूळची कॅनडा येथील आहे. कॅनडामध्येही ती मॉडेलिंग करायची. नोरा ही बॅले डान्सरही आहे. साकी साकी, दिलबर, कमरिया, हाय गर्मी यांसारख्या लोकप्रिय आयटम साँग तिने केली आहेत. नोराने हिंदी, तेलगु आणि तमिळ सिनेमांत काम केले आहे. जॅकलिन फर्नांडिस बॉलिवूडमधील लोकप्रिय अभिनेत्री असलेल्या जॅकलनिचा जन्म बहारिन येथे झाला आहे. तिचे वडील श्रीलंकेचे तर आई मलेशियाची नागरिक आहे. जॅकलिनने आतापर्यंत बॉलिवूडमध्ये अनेक अभिनेत्यांसोबत काम केले आहे. छोट्याशा काळात जॅकलिनने अनेक सुपरहिट सिनेमांत काम केले आहे. तसेच काही आयटम साँगही केले आहेत. कतरिनाचे वडील काश्मिरी आहे तर आई ब्रिटनची नागरिक आहे. कतरिनाचा जन्म हाँगकाँगमध्ये झाला. कतरिनाने 'बूम' या सिनेमातून बॉलिवूडमध्ये प्रवेश केला. आज बॉलिवूडमधील आघाडीच्या अभिनेत्रींमध्ये तिचा समावेश होतो. सनी लिओनी सनी लिओनीचे खरे नाव करनजीत कौर आहे. तिचा जन्म कॅनडामध्ये झाला. अडल्ट फिल्ममध्ये काम करत असताना तिला बिग बॉसमध्ये काम करण्याची संधी मिळाली. बिग बॉस कार्यक्रमावेळी तिची भेट महेश भट यांच्यासोबत झाली. त्यानंतर महेश यांनी सनीला हिंदी सिनेमांची ऑफर दिली. बिग बॉस कार्यक्रम संपल्यानंतर २०१२ मध्ये सनीने 'जिस्म २' या सिनेमातून बॉलिवूडमध्ये प्रवेश केला. त्यानंतर तिने अनेक सिनेमांत काम केले.
from Marathi Bollywood News, Marathi Cinema News https://ift.tt/3kZkXuA