मुंबई- छोट्या पडद्यावरील लोकप्रिय अभिनेता याचं काल २ सप्टेंबर २०२१ रोजी हृदयविकाराच्या झटक्याने निधन झालं. सिद्धार्थच्या अशा अचानक जाण्याने बॉलिवूडवर शोककळा पसरली आहे. सिद्धार्थच्या चाहत्यांना तर या गोष्टीवर विश्वास ठेवणं कठीण झालं आहे. एकीकडे सिद्धार्थच्या घराबाहेर त्याच्या मित्रपरिवाराची आणि आप्तेष्टांची गर्दी जमली आहे तर दुसरीकडे कूपर इस्पितळाच्या बाहेर पत्रकार आणि त्याच्या चाहत्यांनी गर्दी केली आहे. अशातच सोशल मीडियावर व्हायरल झालेल्या एका व्हिडिओने सिद्धार्थच्या चाहत्यांच्या डोळ्यात पाणी आणलं आहे. सिद्धार्थच्या मृत्यूनंतर चाहते प्रचंड दुःखात आहेत. त्यात सोशल मीडियावर व्हायरल होणारा हा व्हिडिओ पाहून चाहत्यांना सिद्धार्थची आठवण येत आहे. सोशल मीडियावर व्हायरल होणारा हा व्हिडिओ 'बिग बॉस १३' च्या शेवटच्या दिवसाचा आहे. जिथे प्रत्येकाला विजेत्याचं नाव ऐकण्याची घाई झाली होती. व्हिडिओत खुद्द सिद्धार्थ रडताना दिसत आहे. व्हिडिओमध्ये शेवटच्या दिवशी सिद्धार्थला त्याच्या बिग बॉस मधील प्रवासाचे काही खास क्षण दाखवले जातात आणि ते पाहून सिद्धार्थच्या डोळ्यातदेखील पाणी येतं. कार्यक्रमात मजबूत शरीर आणि कठोर मनाचा ओळखला जाणारा सिद्धार्थदेखील व्हिडिओत लपून डोळ्यातील अश्रू पुसताना दिसतोय. त्यानंतर सिद्धार्थ चाहत्यांसमोर मंचावर उभा राहून सगळ्यांना धन्यवाद देत आहे. हा व्हिडिओ पाहून चाहते प्रचंड भावुक झाले आहेत. काही चाहत्यांनी व्हिडिओला हार्ट इमोजी देऊन प्रतिक्रिया दिली आहे तर काही युझर्सनी कृपया हे दाखवू नका अशी विनवणी केली आहे. काही युझर्स रडण्याचे इमोजी पाठवत आहेत तर काही सिद्धार्थसाठीच्या आपल्या प्रेमाची कबुली देत आहेत. हा व्हिडिओ पाहून चाहत्यांना सिद्धार्थची आठवण येत आहे.
from Marathi Bollywood News, Marathi Cinema News https://ift.tt/3h0F0rb
