मुंबई- सुपरस्टार ची आई यांचे बुधवारी सकाळी निधन झाले. अक्षयच्या आईची प्रकृती गेल्या काही दिवसांपासून ठीक नव्हती. यानंतर त्यांना मुंबईच्या हिरानंदानी इस्पितळात दाखल करण्यात आले होते. अक्षयने ही माहिती सोशल मीडियाद्वारे चाहत्यांसोबत शेअर केली. सोशल मीडियाद्वारे चाहत्यांना ही बातमी दिली आहे. आईच्या निधनाची बातमी शेअर करताना अक्षयने लिहिले, 'ती माझं मूळ होती आणि आज मला असह्य वेदना जाणवत आहेत. माझी आई श्रीमती अरुणा भाटिया ने आज सकाळी शांततेत या जगाचा निरोप घेतला आणि पुन्हा एकदा ती माझ्या वडिलांना दुसऱ्या जगात भेटेल. मी माझ्या आणि माझ्या कुटुंबासाठी तुम्ही दिलेल्या सर्व प्रार्थनांचा आदर करतो. ओम शांती' याआधी चाहत्यांनी केलेल्या प्रार्थनेबद्दल कृतज्ञता व्यक्त करताना अक्षयने लिहिले की, 'माझ्या आईच्या आरोग्यासाठी तुम्ही दाखवलेली चिंता, काळजी माझ्या हृदयाला स्पर्शून गेली आहे. मी त्याचे शब्दात वर्णन करू शकत नाही. माझ्यासाठी आणि माझ्या कुटुंबासाठी हा खूप कठीण काळ आहे. तुमच्या प्रत्येक प्रार्थनेचा अर्थ माझ्यासाठी महत्त्वाचा आहे.' दरम्यान, जेव्हा अक्षय कुमारच्या आईची तब्येत बिघडली तेव्हा तो परदेशात शूटिंग करत होता. अक्षयला ही बातमी समजताच तो लगेच लंडनहून मुंबईला परतला होता. मात्र, अक्षय कुमारच्या आईला नेमकी काय झाले होते हे मात्र अद्याप कळू शकलेले नाही.
from Marathi Bollywood News, Marathi Cinema News https://ift.tt/38PHCnq