मुंबई : पॉर्नोग्राफी प्रकरणामध्ये अभिनेत्री शिल्पा शेट्टीचा नवरा आणि उद्योगपती राज कुंद्राला अटक करण्यात आली. सध्या त्याला आर्थर रोड तुरुंगात ठेवण्यात आले आहे. अश्लिल सिनेमे बनवून ते ओटीटी प्लॅटफॉर्मवर विकल्याचा आरोप त्याच्यावर ठेवण्यात आला आहे. वर पूनम पांडेसह अन्य काही मॉडेलने गंभीर आरोप केले आहेत. या प्रकरणी राजची बायको अभिनेत्री हिचाही जबाब पोलिसांनी नोंदवला आहे. आपल्या जबाबामध्ये शिल्पाने काही महत्त्वाच्या गोष्टींचा खुलासा केला आहे. राजच्या कामाबद्दल माहिती नव्हते पॉर्नोग्राफी प्रकरणाचा तपास करणाऱ्या मुंबई पोलिसांच्या गुन्हे शाखेच्या अधिकाऱ्यांनी काही दिवसांपूर्वी शिल्पा शेट्टीचा जबाब नोंदवला. या जबाबामध्ये शिल्पाने सांगितले की, ती स्वतः विविध कामांमध्ये व्यग्र असल्याने राजला कधीही त्याच्या कामाबद्दल विचारले नाही. त्यामुळे राजच्या हॉटशॉट अॅपबद्दल आणि त्याच्या कार्यप्रणालीबद्दल काहीच माहिती नाही. आपल्या जबाबामध्ये शिल्पाने पुढे सांगितले की, राज २०१९ मध्ये आर्म्सप्राईम मीडिया कंपनीत सहभागी झाला होता. त्या कामाबद्दल त्याने सांगितले होते. ही कंपनी छोट्या व्हिडिओंची निर्मिती करायची. त्या व्हिडिओमध्ये अभिनेत्री त्यांना हवे त्या पद्धतीने स्वतःला एक्स्पोझ करायच्या. कंपनीने तयार केलेल्या व्हिडिओंमधून त्यांना चांगला नफा मिळत होता. या कंपनीमध्ये सौरव कुशवाह राजचा पार्टनर होता. कालांतराने काही कारणांमुळे हे दोघे वेगळे झाले. उमेश कामतला ओळखते शिल्पाने तिच्या जबाबामध्ये ती या प्रकरणातील आणखी एक आरोपी उमेश कामतला ओळखत असल्याचे सांगितले. उमेश वियान इंडस्ट्रीसाठी काम करत असल्याचेही शिल्पाने नमूद केले आहे. शिल्पाने पुढे सांगितले की, तिला राजने सांगितले होते की उमेश कामत हा गेहना वशिष्ठसोबत पॉर्न व्हिडिओ तयार करतो आणि ते विकतो म्हणूनच उमेशला पोलिसांनी अटक केली आहे. बॉलीफेम अॅपबद्दल माहिती नाही शिल्पाने पोलिसांनी दिलेल्या जबाबामध्ये असेही सांगितले की, तिला राज कुंद्राच्या बॉलीफेम या अॅप बद्दल काहीच माहिती नव्हती. तिच्या माहितीप्रमाणे बॉलीफेम अॅप हे राजचे नवीन प्रोजेक्ट होते आणि त्यावर तो काम करत होता. हॉटशॉट अॅप वियान इंडस्ट्रीजचे होते हे माहिती नाही अभिनेत्री शिल्पा शेट्टीने आपल्या जबाबामध्ये पुढे सांगितले की, हॉटशॉट अॅप वियान इंडस्ट्रीजच्या माध्यमातून तयार केले गेले आणि त्यात अश्लील व्हिडिओ अपलोड करण्यात आले याची मला माहिती नव्हती. हे व्हिडिओ प्रदीप बक्षी यांची कंपनी केनरीनला विकले याबद्दल आपल्याला आता समजले. त्या काळात कामात व्यग्र असल्याने राज काय करतो हे कधीच विचारले नाही, असेही शिल्पाने सांगितले. त्यानेदेखील कधी त्याच्या कामाची माहिती दिली नाही. दरम्यान, या जबाबामध्ये शिल्पाने राजची कशी भेट झाली याबद्दलही सविस्तर माहिती दिली. १ हजार ५०० पानांचे आरोपपत्र अश्लिल चित्रपट बनवून ते अॅपद्वारे प्रसिद्ध केल्याबद्दल मुंबई गुन्हे शाखेने राज कुंद्रा आणि तिघांविरोधात पुरवणी आरोपपत्र दाखल केले आहे. सुमारे १५०० पानांचे हे पुरवणी आरोपपत्र दाखल केले आहे.
from Marathi Bollywood News, Marathi Cinema News https://ift.tt/3AvnkeU
