मुंबई : गोव्याला जाणा-या क्रुझवर आयोजित करण्यात आल्याची माहिती नार्कोटिक्स कंट्रोल ब्युरो अर्थात एनसीबीला मिळाली. त्यानंतर एनसीबीचे मुंबई विभागाचे संचालक समीर वानखेडे यांच्या नेतृत्वाखाली झालेल्या मोहिमेत या ड्रग्ज पार्टीमधून आठ जणांना अटक करण्यात आली. अटक करण्यात आलेल्यांमध्ये अभिनेता याचा मुलगा आर्यन खानचा समावेश असल्याने हे प्रकरण चांगलेच चर्चेत आले आहे. याप्रकरणी एनसीबीने न्यायालयात सादर केलेल्या पुराव्यांमुळे आर्यन खान आणि त्याच्या साथीदारांना तुरुंगाची हवा खावी लागली आहे. त्यानंतर समीर वानखेडे यांच्या कार्यपद्धतीवरून चहूबाजूंनी टीका होऊ लागली. त्यातच आता याप्रकरणातील पंच असलेल्या एका व्यक्तीने समीर वानखेडे यांच्यावर भ्रष्टाचाराचे आरोप केले आहेत. त्यामुळे ख-या आयुष्यातील या 'सिंघम'वर चहूबाजूंनी संकटे आली आहेत. सध्या आर्यन खानच्या ड्रग्ज प्रकरणात एनसीबीचे मुंबई विभागीय आयुक्त असलेल्या समीर वानखेडे यांच्या भूमिकेची जोरदार चर्चा सुरू आहे. तशीच चर्चा २०११ ते २०१३ या काळात कस्टम ड्युटी न भरणाऱ्या बॉलिवूड सेलिब्रिटींवर झालेल्या कारवाईची झाली होती. कारण ही कारवाई देखील समीर वानखेडे यांनीच केली होती. समीर वानखेडे २०१३ यांनी सेवा कर चुकवणा-या कलाकारांना तो भरायला भाग पाडले होते. आता तेच कर्तव्यदक्ष अधिकारी वानखेडे बॉलिवूडमधील ड्रग्स कनेक्शनवर घाव घालत आहेत. मूळचे वाशिम जिल्ह्यातील असलेले समीर वानखेडे २००८ च्या बॅचचे आयआरएस अधिकारी आहेत. आपल्या धडाकेबाज आणि निडर कामासाठी ते नेहमीच चर्चेत असतात. सर्वसामान्य कारवाई होते तेव्हा फार चर्चा होत नसेल, परंतु त्यांनी कलाकारांच्या विरोधात केलेल्या कारवाईची नेहमीच जोरदार चर्चा होते. समीर वानखेडे यांनी विमानतळावर कस्टम विभागात असताना त्यांच्या कार्यकाळात जवळपास तीन हजार जणांवर कारवाई केली होती. ज्यात काही सेलिब्रिटीही होते. तर एनसीबी विभागीय संचालक म्हणून दहा महिन्यांच्या कार्यकाळातच त्यांनी २२४ कारवाया केल्या आहेत, ज्यात अनेक पेडलर्स आणि काही सेलिब्रिटींचा समावेश आहे. २०११ च्या विश्वचषकाची ट्रॉफी अडवली समीर वानखेडे सर्वात आधी चर्चेत आले जेव्हा त्यांनी मुंबई विमानतळावर भारतीय संघाने जिंकलेल्या ऐतिहासिक विश्वचषकाची ट्रॉफी अडवली. या ट्रॉफीच्या एकूण किंमतीच्या ३५ टक्के किंमतीसाठी वानखेडे यांनी ती ट्रॉफी विमानतळावर अडवली होती. त्यामुळे हे प्रकरणही प्रचंड गाजले होते. अशी आहे वानखेडे यांची कारकीर्दसमीर वानखेडे २०१३ ला केंद्रीय उत्पादन शुल्क विभागात होते. इथला त्यांचा कार्यकाळ अत्यंत छोटा ठरला होता. पण हा छोटासा कार्यकाळ बॉलिवूडमधील काही दिग्गज कधीही विसरणार नाहीत. समीर वानखेडे यांनी अनुराग कश्यप, राम गोपाल वर्मा आणि विवेक ओबेरॉय यांच्यावर कारवाईचा बडगा उगारला होता. मुकेश भट्ट यांनी समीर वानखेडे यांची सेवा कर आयुक्तांकडे तक्रारही केली होती. समीर वानखेडे यांनी २०१७ पर्यंत राष्ट्रीय तपास यंत्रणा म्हणजे एनआयएमध्येही काम केले. पण त्यांची खरी कारकीर्द गाजली ती एनसीबी अधिकारी म्हणून. एनसीबीत रुजू झाल्यानंतर अवघ्या दहा दिवसांत सुशांत सिंह राजपूतचे मृत्यू झाला. त्या प्रकरणाच्या तपासामध्ये एनसीबीची एंट्री झाली आणि ड्रग्ज सेवनप्रकरणी अनेक कारवाया झाल्या. यात अभिनेत्री रिया चक्रवर्ती आणि तिच्या भावाला एनसीबीकडून अटकही झाली होती. या प्रकरणातही समीर वानखेडेंनी अनेक ड्रग्ज पेडलर्सना अटक केली. याचप्रकरणी अभिनेत्री दीपिका पादुकोण, श्रद्धा कपूर आणि सारा अली खान यांचीही चौकशी करण्यात आली. याआधीही केली कलाकारांवर कारवाई समीर वानखेडे विरुद्ध बॉलिवूड हा सामना नवा नाही. त्यांनी यापूर्वीही कस्टम विभागाचे सहाय्यक आयुक्त असताना अभिनेत्री आणि मिनिशा लांबा यांना ताब्यात घेतले होते. या दोन्ही अभिनेत्रींनी आपल्याकडे सोने असल्याचे जाहीर केले नव्हते. यानंतर अभिनेत्री कतरिना कैफ, अभिनेता रणबीर कपूर, गायक मिका सिंग आणि विविध क्रिकेटपटूंचीही कस्टम विभागाशी गाठ पडली होती. उत्कृष्ट कामाबद्दल झालाय सन्मान वानखेडे यांचा यावर्षीच्या ऑगस्ट महिन्यात गृह मंत्रालयाकडून तपासातील उत्कृष्ट कामाबद्दल पदक देऊन सन्मान करण्यात आला आहे. राष्ट्रवादी काँग्रेसचे ज्येष्ठ नेते आणि मंत्री नबाब मलिक यांच्या जावयावरही एनसीबीने कारवाई केली आहे. त्यानंतर मलिक यांनी वानखेडे यांच्या कुटुंबाची माहितीही सोशल मीडियावर सार्वजनिक केली आहे. हे वैयक्तिक आयुष्यावर होणारे हल्ले पचवत असतानाच वानखेडे यांच्यावर लाच घेतल्याचेही आरोप झाले. त्यामुळे बॉलिवूडला टक्कर देणाऱ्या या खऱ्या सिंघमसमोर सध्या एक ना अनेक आव्हाने उभी आहेत.
from Marathi Bollywood News, Marathi Cinema News https://ift.tt/30XHelZ
