मुंबई : अभिनेता आणि यांच्यातील प्रेमप्रकरणाची बॉलिवूडमध्ये जोरदार चर्चा आहे. हे दोघेजण अनेक कार्यक्रमांत एकत्र दिसत असल्याने लवकरच हे दोघेजण लग्न करणार असल्याची शक्यता सर्वजण व्यक्त करत आहेत. त्यातच विकी आणि कतरीना येत्या डिसेंबर महिन्यात बोहल्यावर चढणार असल्याची बातमी आली. ही बातमी ऐकून या दोघांच्या चाहत्यांना अतिशय आनंद झाला असून ते सर्वजण अधिकृत घोषणा कधी होते याची वाट बघत आहेत. विकी आणि कतरीना यांच्या लग्नाची बातमी सोशल मीडियावर व्हायरल झाली. सातत्याने याबाबत दोघांनाही चाहत्यांकडून विचारणा होत आहे. त्यामुळे लग्नाच्या बातमीवर अभिनेत्री कतरीना कैफ हिने इतक्या दिवसांपासून बाळगलेले मौन सोडले आहे. सातत्याने येणा-या लग्नाच्या बातम्यांमध्ये तिने एक मोठा खुलासा केला आहे. काय म्हणाली कतरीना विकी आणि कतरीनाने त्यांच्या लग्नासाठी डिझायनर म्हणून प्रसिद्ध ड्रेस डिझायनर सब्यासाची निवड केल्याची बातम्या समोर आल्या आहेत. इतकेच नाही तर हे दोघेजण राजस्थानमध्ये डेस्टिनेशन वेडिंग करणार असल्याचीही बातमी आली आहे. दरम्यान, सुत्रांनी दिलेल्या माहितीनुसार एका मुलाखतीमध्ये कतरीनाला ती विकीसोबत डिसेंबरमध्ये लग्न करणार आहे का असा प्रश्न विचारण्यात आला. त्यावर उत्तर देताना कतरीनाने सांगितले की, 'गेल्या १५ वर्षांपासून सातत्याने मला एकच प्रश्न विचारला जात आहे तो म्हणजे तू लग्न कधी करणार... पण मला तुम्हा सर्वांना सांगायचे आहे की, सध्या तरी माझा लग्न करण्याचा विचार नाही. तसेच विकी कौशलबरोबर मी डिसेंबरमध्ये लग्न करणार असल्याचे जी बातमी आली आहे ती पूर्णतः चुकीची आणि निराधार आहे.' विकीसोबतच्या रिलेशनवर मौन विकीसोबत लग्न करणार नसल्याचे कतरीनाने सांगितले. परंतु त्याच्यासोबत रिलेशनमध्ये आहे का असे विचारले असता त्यावर मात्र तिने मौन बाळगले आहे. दरम्यान, बॉलिवूडमधील अनेक कार्यक्रमांना, पार्टींमध्ये हे दोघेजण कायम एकत्र दिसतात. परंतु त्यांच्यातील नात्याबद्दल त्या दोघांनी अद्याप अधिकृतपणे काहीही भाष्य केलेले नाही.
from Marathi Bollywood News, Marathi Cinema News https://ift.tt/3mjlTfa
