मुंबई- बॉलिवूड अभिनेत्री हिचा नुकताच पद्मश्री पुरस्काराने गौरव करण्यात आला. त्यानंतर दिलेल्या एका मुलाखतीत कंगनाला तिच्या पुढील वाटचालीबद्दल प्रश्न विचारण्यात आले. या मुलाखतीत कंगनाने तिच्या खडतर प्रवासाबद्दल सांगितल. जेव्हा कंगनाला अस्सखलित इंग्रजी बोलता येत नसल्याने तिला टोमणे मारले जायचे. त्यासोबतच कंगनाने ती प्रेमात असल्याच्या गोष्टीला दुजोरा दिला. पुढील पाच वर्षात कंगना स्वतःला एक पत्नी, गृहिणी आणि एक आई म्ह्णून बघत असल्याचं तिने म्हटलं. टाइम्स नाऊला दिलेल्या मुलाखतीत कंगनाला तिच्या भविष्याबद्दल प्रश्न विचारण्यात आला. त्यावर कंगना म्हणाली, 'मी माझं करियर कधीही सोडणार नाही. मला हे काम आवडतं. हे काम मी करते कारण इथे तुम्ही छान कपडे घालू शकता, अफेअर ठेऊ शकता, ते सगळं करू शकता जे तुम्हाला वाटतं. त्यामुळे माझा अभिनय सोडून दुसरं काही करण्याचा कोणताही प्लॅन नाही.' त्यानंतर कंगनाला तिच्या अफेअरबद्दल प्रश्न विचारण्यात आला. प्रश्नावर कंगनाने सुरुवातीला उडवाउडवीची उत्तरं दिली. मात्र अखेर कंगनाने तिच्या अफेअरवर खुलासा करत ती प्रेमात असल्याचा इशारा दिला. पुढील पाच वर्षात कंगना स्वतःला कुठे पाहते या प्रश्नावर कंगना म्हणाली, 'मी स्वतःला पुढील पाच वर्षात एक पत्नी आणि एक आई म्हणून बघते. लवकरचं सगळ्यांना याबद्दल माहिती होईल. मी स्वतः या गोष्टीचा खुलासा करेन आणि त्या व्यक्तीचं नाव सांगेन.' असं म्हणत कंगनाने तिच्या आयुष्यात एक खास व्यक्ती आहे, याकडे इशारा केला आहे. लवकरच कंगना त्या व्यक्तीबद्दल चाहत्यांना सांगणार आहे. परंतु, तोपर्यंत चाहत्यांमध्ये कंगना चर्चेत राहणार आहे हे नक्की. चाहते देखील कंगनाच्या त्या खास व्यक्तीचं नाव ऐकण्यासाठी आतुर झाले आहेत.
from Marathi Bollywood News, Marathi Cinema News https://ift.tt/3wIb4H1
