मुंबई : बॉलिवूडचे ज्येष्ठ अभिनेते हे जसे सिनेमात सक्रीय असतात तसेच ते सोशल मीडियावर सक्रिय असतात. अनेकदा ते सोशल मीडियावर त्यांच्या आईचे यांचे व्हिडिओ शेअर करतात. त्या व्हिडिओंना युझर्सकडून भरभरून प्रतिसाद मिळतो. प्रत्येक व्हिडिओमधून आई- लेकाचे नाते दिसून येते. अलिकडेच अनुपम यांनी त्यांच्या आईसोबतचा व्हिडिओ सोशल मीडियावर शेअर केला. हा व्हिडिओ पाहून चाहते खळखळून हसत आहेत. हा व्हिडिओ खुद्द अनुपम यांनी रेकॉर्ड केला आहे. बुधवारी शेअर केलेल्या या व्हिडिओसोबत अनुपम यांनी लिहिले की, 'आई, मला सतत गंजू पटेल अशी हाक का मारायची.. अखेर हा प्रश्न मी तिला विचारलाच. माझ्या या प्रश्नावर आईने मला सहानुभूतीने उत्तर देण्याऐवजी मला वास्तवाचे दर्शन घडवले. मग तिने मला लहानपणाशी निगडीत असलेल्या काही गोष्टीही सांगितल्या. ते ऐकून सर्वजण हसत होते. चला तुम्ही पण हा व्हिडिओ पाहा आणि हसा.' या व्हिडिओमध्ये अनुपम त्यांच्या आईला विचारतात ती त्यांना गंजू पटेल अशी का हाक मारते. त्यावर आई अतिशय मजेशीर उत्तर देते की, 'तुझा जेव्हा जन्म झाला तेव्हादेखील तू टकलू होतास...' अनुपम यांनी शेअर केलेला हा व्हिडिओ सोशल मीडियावर खूप व्हायरल झाला आहे. अनुपम खेर यांच्या कामाबद्दल सांगायचे तर सध्या ते सूरज बडजात्य यांचा आगामी 'ऊंचाई' सिनेमाच्या चित्रीकरणात व्यग्र आहेत. या सिनेमात अनुपम यांच्याशिवाय परिणीती चोप्रा, बोमन इराणी, अमिताभ बच्चन, नीना गुप्ता, सारिका आणि डॅनी डेन्झोपा देखील आहेत.
from Marathi Bollywood News, Marathi Cinema News https://ift.tt/3qtayvA
