मुंबई- प्रसिद्ध संगीतकार यांची मुलगी ने २०२२ च्या सुरुवातीला साखरपुडा करून आनंदाची बातमी दिली आहे. खतिजाने साखरपुड्याचा फोटो करून चाहत्यांना ही गोड बातमी दिली. यासोबतच तिने भावी नवरा रियासदीन शेख मोहम्मद बद्दलही माहिती दिली. खतिजा रहमानने तिच्या इंस्टाग्राम अकाउंटवर एक कोलाज शेअर केला आहे. यात एका बाजूला रियासदीन शेख मोहम्मद आणि दुसऱ्या बाजूला खतिजाचा स्वतःचा साखरपुड्यातला फोटो आहे. या फोटोला कॅप्शन देताना तिने लिहिले की, 'देवाच्या आशीर्वादाने उद्योजक आणि ऑडिओ अभियंता रियासदीन शेख मोहम्मद यांच्यासोबत साखरपुडा झाला. २९ डिसेंबरला माझ्या वाढदिवसा दिवशी आमचा साखरपुडा झाला. या कार्यक्रमाला कुटुंबीय आणि जवळचे लोक उपस्थित होते.' खतिजा रहमानने शेअर केलेल्या कोलाजमध्ये तिने गुलाबी रंगाच्या ड्रेससोबत डिझायनर मास्क घातला आहे. मास्कमुळे खतिजाचा चेहरा पूर्णपणे दिसत नाहीए. त्याचवेळी, कोलाजमध्ये रियासदीन शेख मोहम्मदचा ब्लॅक अँड व्हाइट फोटोही तिने शेअर केला. दरम्यान, काही महिन्यांपूर्वी सुप्रसिद्ध लेखिका तस्लिमा नसरीन यांनी खतिजाला तिच्या हिजाबबद्दल बोलताना म्हटले होते की, 'जेव्हा मी सुशिक्षित लोकांना बुरख्यात पाहते तेव्हा माझा जीव गुदमरतो.' यावर तस्लिमा नसरीन यांना उत्तर देताना खतिजाने स्पष्ट केलं होतं की, 'मी स्वतःहून निवडलेल्या निर्णयाचा मला कोणताही पश्चाताप नाही.'
from Marathi Bollywood News, Marathi Cinema News https://ift.tt/3Hyffcv
