मुंबई : 'पुष्पाः द राईज' सिनेमा प्रदर्शित झाल्यांतर दाक्षिणात्य अभिनेत्री लोकप्रियतेच्या शिखरावर पोहोचली आहे. पुष्पा सिनेमात रश्मिकाने श्रीवल्ली ही भूमिका साकारली आहे. या सिनेमाने आणि त्यातील सर्व कलाकारांनी प्रेक्षकांची मने जिंकली आहेत. रश्मिकाचा सिनेमातील लूक सर्वांना आवडला होता. काही दिवसांपूर्वी रश्मिकाने तिचा साडीतला एक फोटो इन्स्टाग्रामवर पोस्ट केला होता. तिचा हा फोटो सोशल मीडियावर खूपच व्हायरल झाला आहे. चर्चा फक्त रश्मिकाच्या साडीची! रश्मिका मंदाना हिने तिचा साडीतील फोटो इन्स्टाग्राम अकाऊंटवरून शेअर केला आहे. या फोटोमध्ये रश्मिकाने ऑफ व्हाईट रंगाची ऑर्गेन्झा साडी नेसली आहे. हैदराबादमध्ये 'पुष्पा' सिनेमाचे प्रमोशन कार्यक्रम झाला. त्या कार्यक्रमात रश्मिका ही साडी नेसून सहभागी झाली होती. रश्मिकाने नेसलेली ही साडी अंकिता जैन हिने डिझाईन केली आहे. अंकिता हॅंडक्राफ्टेड ऑफ व्हाईट ऑर्गेन्झा साडी डिझायनर म्हणून ओळखली जाते. या साडीची किंमत ही ३१ हजार ५०० रुपये आहे. दरम्यान, रश्मिकाने नेसलेल्या या साडीला रॉ सिल्कची बॉर्डर असून काठांवर हँड एम्ब्रॉयडरी केली आहे. साडीच्या पदरावर पूर्णपणे फुलांचे डिझाईन आहे. या साडीवर मोतीया रंगाचे स्लिव्हलेस ब्लाऊज घातले आहे. रश्मिकाने ही साडी अतिशय पारंपरिक पद्धतीने नेसली आहे. या साडीमध्ये रश्मिका खूपच छान दिसत आहे. अंकितानेही नेसली होती ऑर्गेन्झा साडी दरम्यान, काही दिवसांपूर्वी अभिनेत्री अंकिता लोखंडे हिने देखील ऑर्गेन्झा साडी नेसली होती. लग्नानंतरच्या पहिल्या वाढदिवसाला अंकिताने ही साडी नेसली होती. अंकिताचेया साडीमधील फोटो खूपच व्हायरल झाले होते. अंकिताने नेसलेल्या साडीची किंमत देखील सुमारे ८० हजार रुपये होती.
from Marathi Bollywood News, Marathi Cinema News https://ift.tt/34bfwDR
