मुंबई: अभिनेत्री शिल्पा शेट्टी वेगवेगळ्या कारणाने चर्चेत असते. तसंच ती सोशल मीडियाद्वारे फोटो आणि व्हिडिओ शेअर करत चाहत्यांना अपडेट देत असते. शिल्पाने तिच्या सोशल मीडियावर पोस्ट शेअर केली आहे, या पोस्टद्वारे तिने झलक दाखवली जिथे तिने तिच्यापहिल्या चित्रपटच चित्रीकरण केल होत. २९ वर्षांपूर्वी शिल्पा शेट्टीने 'बाजीगर' या चित्रपटातून आपल्या करिअरची सुरूवात केली होती. शनिवारी ती पुन्हा एकदा त्या जागी 'इंडियाज गॉट टॅलेंट'च शूटिंग करत होती.शिल्पाने तिच्या इन्स्टाग्रामवर एक व्हिडिओ शेअर करत, ती जागा तिच्या फॅन्सना दाखवली. तिची आठवण शेअर करताना ती खूपच आनंदी दिसत होती. शिल्पा शेट्टी या व्हिडिओमध्ये आनंदाने ओरडत म्हणते, 'मी २९ वर्षांपूर्वी या ठिकाणाहून माझ्या करिअरची सुरूवात केली आणि आज आम्ही 'इंडियाज गॉट टॅलेंट' च्या स्टंट यार्डमध्ये परतलो आहोत.' नंतर कॅमेरा झूम आऊट होऊन मुंबई फिल्मसिटीचे संपूर्ण दृश्य या व्हिडिओत बघायला मिळत आहे. हा व्हिडिओ शेअर करत शिल्पाने लिहिले आहे की, 'कधीकधी आयुष्य आपल्याला परत त्याच जागी येऊन सोडत जिथून तुम्ही सुरूवात केली आहे. 'बाजीगर' चित्रपटासाठी मी माझा पहिला शॉट याच ठिकाणी (फिल्म सिटीचे हेलिपॅड) दिला. त्यामुळे इंडियाज गॉट टॅलेंटच्या स्टंट यार्डमध्ये परत येण्याने त्या जुन्या आठवणी ताज्या झाल्या. शिल्पा सोनी वाहिनीवरील टॅलेंट शो 'इंडियाज गॉट टॅलेंट' मध्ये परिक्षकाच्या भूमिकेत दिसत आहे. शिल्पा शेट्टी सोबत बादशाह,मनोज मुंतशीर आणि किरण खेर परिक्षक असतील आणि अर्जुन बिजलानी या शोचं सूत्रसंचालन करत आहे. शिल्पा शेट्टी अनेकदा 'इंडियाज गॉट टॅलेंट' च्या सेटवरील मजेशीर बीटीएस व्हिडिओ शेअर करत असते, ज्यांना चाहत्यांकडून खूप पसंती दिली जाते.
from Marathi Bollywood News, Marathi Cinema News https://ift.tt/3GAsQQK