नवी दिल्ली: भारतात अधिक स्मार्टफोन युजर्स असल्यामुळे रिचार्ज करणाऱ्यांची संख्या देखील मोठी आहे. अशात ग्राहकांना आकर्षित करण्यासाठी Reliince Jio, , Vodafone, BSNL सारख्या टेलिकॉम कंपन्या नव- नवीन रिचार्ज प्लान्स आणत असतात. काही काळापूर्वी देशातील नामांकित टेलिकॉम कंपन्यांनी त्यांच्या रिचार्जच्या किमती वाढविल्यामुळे ग्राहकांना रिचार्जसाठी अधिक पैसे मोजावे लागत आहे. अशात, भारत संचार निगम लिमिटेड (BSNL) ने एक नवीन प्रीपेड प्लान सादर केला आहे. ज्याची किंमत १९७ रुपये आहे. या प्लानची खासियत म्हणजे या प्लानमध्ये १५० दिवसांची वैधता दिली जात आहे. यासोबतच, दररोज डेटा दिला जात आहे. हा कंपनीचा अतिशय परवडणारा प्लान आहे आणि बाजारात सध्या असलेल्या Airtel-Vi-Jio च्या प्लान्सना जबरदस्त टक्कर देऊ शकतो. चला तर मग जाणून घेऊया BSNL च्या १९७ रुपयांच्या प्लानबद्दल सविस्तर आणि त्यात नक्की कोणते फायदे मिळतील याबद्दल. BSNL चा १९७ रुपयांचा प्लान : BSNL चा १९७ रुपयांचा प्लान : या प्लानमध्ये दररोज २ जीबी डेटा दिला जात आहे. तसेच, १९७ रुपयांच्या या प्लानमध्ये १५० दिवसांची वैधता दिली जात आहे. यासोबतच अनलिमिटेड कॉलिंगची सुविधाही दिली जात आहे. एका अहवालानुसार, १९७ रुपयांची नवीन BSNL प्रीपेड रिचार्ज योजना सर्व सर्कलमध्ये प्लान विस्ताराअंतर्गत उपलब्ध आहे. हा प्लान BSNL प्रीपेड रिचार्ज वेबसाइटवर सूचीबद्ध आहे. BSNL तर्फे १९७ रुपयांच्या प्रीपेड रिचार्ज प्लानबद्दल सांगण्यात आले आहे की, फक्त रिचार्जच्या पहिल्या १८ दिवसांसाठी युजर्सना २ GB हाय-स्पीड डेटा आणि अनलिमिटेड कॉलिंग सुविधा दिली जाईल. त्यानंतर उर्वरित दिवसांमध्ये स्पीड ४० Kbps पर्यंत कमी केला जाईल. युजर्सना यापुढेही मोफत इनकमिंग कॉलची सुविधा दिली जाईल. परंतु, आउटगोइंग कॉलसाठी त्यांना पुरेसा कॉल बॅलन्स आवश्यक असेल. याव्यतिरिक्त, युजर्सना १९७ रुपयांच्या प्रीपेड रिचार्ज प्लानच्या संपूर्ण कालावधीत मोफत एसएमएस दिला जाईल. BSNL चा १९७ रुपयांचा प्रीपेड रिचार्ज प्लान भारतीय दूरसंचार युजर्ससाठी परवडणारी योजना आहे. या महिन्याच्या सुरुवातीला, बीएसएनएलला आगामी आर्थिक वर्षात सरकारकडून ४४,७२० कोटी रुपयांचे भांडवल मिळणार असल्याची माहिती मिळाली होती. सरकारी मालकीच्या कंपनीला स्वैच्छिक सेवानिवृत्ती योजनेसाठी ७,४४३.५७ कोटी रुपयांचे अतिरिक्त आर्थिक सहाय्य आणि GST भरण्यासाठी ३,५५० कोटी रुपयांचे अनुदान देखील मिळेल.
from Gadget News in Marathi: Computer, Mobile, Auto News in Marathi | Maharashtra Times https://ift.tt/cOaYpb1
