मुंबई- बॉलिवूडच्या लोकप्रिय दिवंगत अभिनेत्री यांच्या मोठ्या बहिणीची झालेली दूर्दशा काही दिवसांपूर्वी सगळ्यांनाच कळली होती. मधुबाला यांची बहीण यांना त्यांच्या सुनेने घराबाहेर काढलं आणि न्यूझीलंड ते मुंबईचा प्रवास एकट्याने करायला लावला. त्या ९६ वर्षांच्या असून मुलगा आणि सुनेसोबत न्यूझीलंडमधील ऑकलंड शहरात राहत होत्या. कनीज बलसारा यांच्या सुनेने त्यांना घरातून बाहेर काढलंच पण आणखीन धक्कादायक म्हणजे कोणतेही पैसे न देता त्यांना मुंबईला जाणाऱ्या विमानात बसवून भारतात पाठवलं. सध्या कनीज बलसारा मुंबईत मुलगी परवीज सोमजीच्या घरी राहत असून सुरक्षित आहेत. या सगळ्यात आता अशी बातमी समोर येत आहे की परवीजने न्यूझीलंडच्या पंतप्रधान Jacinda Ardern यांना एक चिठ्ठी लिहिली. यात परवेजने आईवर झालेल्या अत्याचाराची संपूर्ण माहिती सांगितली. एका सूत्राने ई-टाइम्सला दिलेल्या माहितीनुसार सांगितलं की, परवीजने संपूर्ण घटनेबद्दल न्यूझीलंडच्या पंतप्रधानांना सांगणे अधिक योग्य ठरेल. यावेळी परवीजने ई-टाइम्सला सांगितलं की, 'होय, मी न्यूझीलंडच्या पंतप्रधानांना याबाबत पत्र लिहिले आहे हे खरं आहे, पण मला त्याबद्दल अधिक काही सांगायचं नाही.' आरटीपीसीआर करण्यासाठीही पैसे नव्हते दरम्यान कनीज बलसारा जेव्हा मुंबई विमानतळावर उतरल्या तेव्हा विमानतळावर असलेल्या कर्मचाऱ्यांनी मुलीला सांगितलं की कनीज यांच्या बॅगेत आरटीपीसीआर करण्यासाठीही पैसे नव्हते. त्या घाबरलेल्या होत्या आणि जेव्हा त्यांनी आपल्या मुलीला पाहिलं तेव्हा कनीज यांनी सुटकेचा श्वास सोडला आणि मुलीला खूप भूक लागल्याचंही सांगितलं. आईची ही अवस्था परवीजला बघवली नाही आणि वहिनीवर योग्य कारवाही केली जावी म्हणून तिने न्यूझीलंडच्या पंतप्रधानांना पत्र लिहिण्याचा निर्णय घेतला. १७ वर्षांपूर्वी मुलाच्या प्रेमाखातर न्यूझीलंडला शिफ्ट झाल्या ई-टाइम्सला दिलेल्या माहितीनुसार , कनीज बलसारा १७ वर्षांपूर्वी नवऱ्यासोबत न्यूझीलंडला शिफ्ट झाल्या होत्या. तिथे जाण्याचे कारण त्यांचा मुलगा, ज्याच्यावर त्या खूप प्रेम करतात. कनीजची सून समीनाला त्या आवडत नाहीत. कनीजची मुलगी परवीजने ई-टाइम्सला सांगितलं होतं की, वहिनी समीना आईशी अत्यंत वाईट पद्धतीने वागायची. परवीज म्हणाली की, 'ती कधीच माझ्या आई-वडिलांसाठी जेवण बनवत नसे. मग भाऊ रेस्टॉरन्टमधून त्यांच्यासाठी जेवण आणायचा.' या घटनेने मधुबाला आणि कनीजची दुसरी बहीण मधुर भूषण यांनाही धक्का बसला. त्याने सांगितलं की त्याला धक्का बसला आहे आणि त्यांची सून कनीज यांना इतके वाईट वागणूक देत असेल यावर विश्वास बसत नाही. मधुर यांनी सांगितलं की, कनीजला पेन्शनही मिळत होतं. त्यांची सून त्यांच्याकडून पैसे घेत होती .
from Marathi Bollywood News, Marathi Cinema News https://ift.tt/FDexK9h