मुंबई- बॉलिवूड अभिनेता एक सुपरस्टार आहेच पण त्याचबरोबर तो एक कौटुंबिक माणूसही. घरातील प्रत्येक सदस्यावर त्याचं खूप प्रेम आहे. सलमान त्याच्या कामात कितीही व्यग्र असला तरी तो आपल्या कुटुंबासोबत वेळ घालवताना दिसतो आणि याचा पुरावा म्हणजे तो शेअर करत असलेले फोटो आणि व्हिडिओ. सलमानने नुकताच एक फोटो शेअर केला आहे, यात तो आईसोबत वेळ घालवताना दिसत आहे. आई सोबतचा हा फोटो सलमानने त्याच्या इन्स्टाग्राम अकाउंटवर शेअर करत सुंदर कॅप्शन दिलं आहे. सलमानने शेअर केलेला हा फोटो एक सेल्फी आहे, ज्यात तो आईच्या मांडीवर डोक ठेऊन आराम करताना दिसत आहे. दोघांच्याही चेहऱ्यावर स्मित हास्य आहे. हा फोटो पोस्ट करत त्याने छोटं पण छान कॅप्शन दिलं आहे. त्याने लिहिलं, 'आईच्या कुशीतचं स्वर्ग आहे.' सलमान खानच्या फोटोवर चाहत्यांकडून कमेंट आणि लाइक्सचा वर्षाव होताना दिसत आहे. एका युझरने लिहिलं, 'सर्वात गोड व्यक्ती', दुसऱ्या युझरने लिहिलं की, 'लव्ह यू भाई, लव्ह यू सलमा आंटी.' आणखीन एक युझर म्हणाला,'मुलगा असावा तर असा.' सोशल मीडियावर आई सलमा सोबत काही खास क्षण घालवतानाचा हा फोटो मोठ्या प्रमाणात व्हायरल झाला आहे. सलमानच्या कामाबाबत बोलायचं झालं तर त्याच्या अंतिम चित्रपटाला प्रेक्षकांचा चांगला प्रतिसाद मिळाला होता. यात सलमानसोबत आयुष शर्मा देखील मुख्य भूमिकेत दिसला होता. याशिवाय सलमान लवकरच कतरिना कैफसोबत टायगर ३ मध्ये दिसणार आहे ज्याचं शुटींग सध्या सुरू आहे. तसंच तो 'कभी ईद कभी दिवाळी' मध्ये दिसणार आहे. हा चित्रपट पुढील वर्षी ख्रिसमसला रिलीज होणार असल्याचं सांगितलं जात आहे.
from Marathi Bollywood News, Marathi Cinema News https://ift.tt/eK0FOoS
