मुंबई- ड्रामा क्विन अभिनेत्री राखी सावंत नेहमीच चर्चेत असते. बिग बॉसच्या १५ व्या सिझनमध्ये तिने आणि तिचा नवरा रितेशने प्रेक्षकांचं चांगलं मनोरंजन केलं होतं. परंतु आता दोघं विभक्त झाल्याची माहिती समोर येत आहे. राखीने स्वत: व्हॅलेन्टाइन डेच्या आदल्या दिवशी सोशल मीडियावर पोस्ट शेअर करत ते वेगळे होत असल्याचं सांगितलं. राखीने काल तिच्या अधिकृत इन्स्टाग्राम अकाउंटवर पोस्टा शेअर करत लिहिलं की, 'माझे शुभचिंतक आणि मित्रांनो मला हे सांगायचं आहे की मी आणि रितेशने वेगळं होण्याचा निर्णय घेतला आहे. बिग बॉस १५ नंतर बरंच काही घडलं, काही गोष्टींबद्दल मला माहिती नव्हती आणि त्या माझ्या नियंत्रणाबाहेर होत्या. आम्ही आमच्यातील वाद दूर करण्‍याचा प्रयत्‍न केला, आमच्या नात्यावर काम करण्‍याचा प्रयत्‍न केला. परंतु मला वाटतं की आम्ही दोघंही आमचं आयुष्यात वेगळ्या वाटा निवडून जास्त आनंदी राहू.' पुढे तिने पोस्टमध्ये लिहिलं की, 'हा निर्णय आम्ही व्हॅलेंटाईन डेच्या आधी घेत आहोत याचं मला दु:ख होत आहे. मी रितेशला त्याच्या पुढील आयुष्यासाठी शुभेच्छा देते. मला आयुष्याच्या या टप्प्यावर माझ्या कामावर आणि माझ्या आयुष्यावर लक्ष केंद्रित करायचे आहे आणि स्वतःला आनंदी आणि निरोगी ठेवायचे आहे. मला नेहमी समजून घेतल्याबद्दल आणि पाठिंबा दिल्याबद्दल धन्यवाद.' बिग बॉसच्या १५ व्या सिझनमध्ये राखीने तिचा नवरा रितेशची जगाला ओळख करून दिली होती. दोघांच्या विभक्त होण्याच्या बातमीची सोशल मीडियावर चांगलीच चर्चा सुरू झाली होती. अनेकांनी हा एक प्रसिद्धी मिळवण्यासाठीचा प्रयोग असल्याचं म्हणत तिला ट्रोल केलं. एका युझरने लिहिलं,'आम्हाला अगोदरच माहिती होतं हा भाड्याचा पती आहे टीआरपीसाठी निर्मात्यांनी हे केलं आहे.' दुसऱ्या युझरने लिहिलं की, 'मला माहिती होतं हे सगळं फक्त बिग बॉस करता होतं.' तर तिसऱ्या युझरने लिहिलं की, 'किती दिवस हा फेक गेम खेळणार होतीस बास कर हा ड्रामा.' एकीकडे तिच्या या पोस्टवर ट्रोल होतं आहे तर काहीजणानी 'लव्ह यू', 'उत्तम निर्णय' म्हणत तिला पाठिंबाही दिला आहे.
from Marathi Bollywood News, Marathi Cinema News https://ift.tt/UVnJQeh
